U Maskvie 6 maja prajšoŭ uzhodnieny mitynh apazicyi, pryśviečany piataj hadavinie padziej na Bałotnaj płoščy. U akcyi ŭziali ŭdzieł, pavodle roznych źviestak, ad 1 da 3 tysiač čałaviek.
Pačatak akcyi byŭ zapłanavany na 13.00, adnak start byŭ adkładzieny prykładna na paŭhadziny, paviedamlaje RBK.
Jak patłumačyŭ prysutnym adzin z arhanizataraŭ akcyi Alaksandr Ryklin, niezadoŭha da pačatku supracoŭniki palicyi pa «zahadzie čałavieka ŭ cyvilnym» źniščyli afarmleńnie sceny.
«Tut byli baniery «Chopić Pucina!», «Chopić ciemrašalstva», «Chopić tryvać Kadyrava». Pad scenaj była raściažka «Bałotnaja sprava — hańba Rasii». Niejkamu čałavieku ŭ cyvilnym padałosia, što hetyja zakliki nie adpaviadajuć tematycy mierapryjemstva. Jon addaŭ zahad palicyjantam, i afarmleńnie było źniščana», — zajaviŭ Ryklin.
6 maja 2012 hoda, nieŭzabavie paśla prezidenckich vybaraŭ, u Maskvie pavinien byŭ adbycca ŭzhodnieny apazicyjny «Marš miljonaŭ», u miežach jakoha płanavaŭsia mitynh na Bałotnaj płoščy. Akcyja vyliłasia ŭ biesprecedentnyja sutyknieńni z palicyjaj i masavyja zatrymańni ŭdzielnikaŭ. U vyniku bolš za 30 čałaviek stali fihurantami «bałotnaj spravy».
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary