U suviazi z rašeńniem Nacbanka «BiełŚvisBank» raspaŭsiudziŭ pres-reliz, jaki my pryvodzim nižej.
«Pavažanyja klijenty, ZAT «BSB Bank» paviedamlaje, što z 26 červienia 2017 h. u adpaviednaści z rašeńniem Nacyjanalnaha banka Respubliki Biełaruś, bank nie ažyćciaŭlaje dziejnaść pa układnych apieracyjach, a taksama pa apieracyjach z apłatnymi kartkami fizičnych asob.
Z 26 červienia 2017 hoda klijentam stanie niedastupnaje źniaćcie i papaŭnieńnie hrašovymi srodkami biahučych rachunkaŭ fizičnych asob i kart-rachunkaŭ banka, raźliki pa płaciežnych kartach banka.
My źviartajemsia z prośbaj da našych klijentaŭ źniać hrašovyja srodki z usich svaich płaciežnych kartak banka, a taksama z rachunkaŭ fizičnych asob da 25 červienia 2017 hoda. Paśla hetaj daty fizičnyja asoby zmohuć atrymać svaje srodki va ŭpaŭnavažanym banku.
Bank zaŭsiody ŭ poŭnym abjomie vykonvaŭ svaje abaviazacielstvy pierad klijentami. I ciapier, prajaŭlajučy kłopat, bank zrabiŭ usio kroki, kab klijenty mahli bieśpieraškodna źniać hrošy sa svaich rachunkaŭ. Heta mahčyma zrabić, źviarnuŭšysia ŭ kasy banka i ŭ bankamatach luboha banka — na biahučy momant admienienyja ŭsie kamisii za źniaćcie hrašovych srodkaŭ na terytoryi Biełarusi.
Mieniedžmient banka zapeŭnivaje, što bank znachodziŭsia i znachodzicca va ŭstojlivym stanie, jaki zabiaśpiečvaje ŭsie intaresy ŭkładčykaŭ, bank ź pieravyšeńniem vykonvaje ŭsie asnoŭnyja narmatyvy biaśpiečnaha funkcyjanavańnia, ustanoŭlenyja Nacyjanalnym bankam Respubliki Biełaruś.
ZAT «BSB Bank» padparadkujecca rašeńniu Nacyjanalnaha banka Respubliki Biełaruś, ale vykazvaje svajo ździŭleńnie žorstkaściu pryniataha rašeńnia i ličyć jaho nieadpaviednym vyjaŭlenym parušeńniam.
Bank praciahvaje ŭ poŭnym abjomie pracavać ź jurydyčnymi asobami i indyvidualnymi pradprymalnikami, akazvajučy im vysoki servis.
My ščyra ŭdziačnyja našym klijentam, prosim razumieńnia ŭ dadzienaj situacyi i prynosim prabačeńni za stvoranyja niazručnaści».
Tur anansuje, što Łukašenku napišuć na vybarach bolš za 90%5
Kamientary