13 lutaha 2018 hoda Dejv Haan, Marcin Hor i Endzi Fletčar vystupiać u Minsk-Arenie.
Mieniedžmient brytanskaha hurta Depeche Mode vydatkavaŭ paŭtara tydnia na pošuki mahčymaści pieranosu kancerta.
Muzyki viernucca ŭ Biełaruś u ramkach jeŭrapiejskaj častki Global Spirit Tour i pradstaviać novy albom Spirit.
— Usie žyvyja ludzi, tamu my z razumieńniem pastavilisia da situacyi z Dejvam, jakaja adbyłasia 17 lipienia. My vielmi rady rašeńniu mieniedžmientu, jaki bačyŭ tysiačy zasmučanych biełarusaŭ kala dźviarej «Minsk-Areny», i paśla doŭhich łahistyčnych raźlikaŭ usio-tki znajšoŭ mahčymaść dadać u hrafik Biełaruś, — kaža dyrektar «Atam M» Andrej Alaksiejeŭ.
Kancert kultavaha hurta ŭ Minsku, jaki mieŭsia adbycca 17 lipienia, admianiŭsia, bo jaho vakalist Dejv Haan trapiŭ u špital z kišačnaj infiekcyjaj.
Global Spirit Tour staŭ adnym z samych paśpiachovych turaŭ za bolš čym 30-hadovuju historyju Depeche Mode. 33 kancerty ŭ 20 krainach Jeŭropy pieršuju častku turne naviedali bolš za miljon prychilnikaŭ.
— My ź nieciarpieńniem čakajem viartańnia ŭ Minsk i mahčymaści syhrać dla biełaruskich fanataŭ! — paviedamlajecca na aficyjnym sajcie Depeche Mode.
Usie kvitki, nabytyja na kancert 17 lipienia, jaki admianiŭsia, buduć sapraŭdnyja, paviedamlajuć arhanizatary.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach25
Kamientary