Kali Abchazija i Paŭdniovaja Asetyja ŭsio ž stanuć siabrami sajuznaj dziaržavy, jany atrymajuć u kiraŭnictvie struktury pałovu hałasoŭ. A što, kali my majem spravu ź intryhaj padstupnych kaŭkazcaŭ? Feljeton z błohu Lolika Uškina.
Vy spytajecie mianie — čamu ja, prezydent Rasiejskaj Federacyi, siadžu ŭ pradbańniku kabinetu Kakojty i čaho čakaju? Sprava ŭ tym, što Kakojty vyrašaje — akazać ci nie Rasiei vajskovuju padtrymku ŭ vajnie suprać Hruzii.
Kali kazać lakanična — mianie kinuli jak frajera.
Nie, spačatku ŭsio było pučkom. My pryniali ŭ skład sajuzu abchazaŭ i asetynaŭ, padkarektavali nazvu struktury — Horski Sajuz Biełarusi i Rasiei. Kapitalna pašyryli paŭnamoctvy centralnych sajuznych orhanaŭ — adziny ŭrad, adzinaje zakanadaŭstva, adno hramadzianstva.
Abłom pryjšoŭ niečakana. Zdajecca, heta było na samicie prezydentaŭ krainaŭ sajuzu ŭ Sočy, dzie havorka pavinna była iści ab adzinaj valucie. My ŭ Kramli napiaredadni ŭžo abmyvali ŭviadzieńnie sajuznaj valuty: Miensk, jaki doŭha tarmaziŭ spravu, ciapier byŭ ŭ mienšaści.
I raptam padčas pasiedžańnia Ardzinba niečakana vynosić alternatyŭnuju rezalucyju: uvieści ŭ jakaści sajuznaj valuty nie rasiejskuju, a abchaskuju i nazvać jaje «sajuzny vach?vach».
Naturalna, ja afihieŭ. Adnak zablakavać prapanovu Suchumi i padtrymaŭšaha jaho Cchinvału nia zmoh. Usio tamu, što padčas hałasavańnia Miensk uctrymaŭsia. Biełarusy raźličvali vycyhanić na hetaj hlebie ŭ Maskvy bonusy pa koštach na pastaŭku hazu.
Tak niečakana ŭ Sajuzie adbyŭsia kaŭkaski pieravarot.
Dalej bolej: vykarystoŭvajučy tuju ž schiemu (2 hałasy kaŭkaskich krainaŭ + neŭtralitet Miensku) paŭdniovyja palityki kapitalna źmianili sutnaść intehracyi. Zabaranili asobam słavianskaha pachodžańnia pradavać uruk i mandaryny, zahadali ŭsim hramadzianam sajuzu kroŭna pomścić za rodzičaŭ, dadać da svaich proźviščaŭ kančatak «ba» i «ojty» (majho premjera, darečy, ciapier zavuć Vavojty Pucinba). Sam sajuz staŭ nazyvacca Sajuzny Kaŭkaz Biełarusi i Rasiei sa stalicaj u aule pad nazvaj… zabyŭsia, heta maršrutkaj 20 chvilinaŭ ad Cchinvału.
Tolki kali toj auł patrabavaŭ ad Miensku, kab BATE pierajmienavali na Cierak?2, na Marksa 38 narešcie zrazumieli, što treba niešta rabić.
Adnak, kab skinuć daminavańnie kaŭkascaŭ, treba była farmalnaja bolšaść u Radzie. Ja i biełaruski kaleha, pamiataju, łamali hałavu ŭsiu noč — što rabić? Lahičniej za ŭsio było atakavać niejkuju respubliku SND i adrezać u ich kusok terytoryi na padstavie prysutnaści tam hramadzianaŭ z rasiejskim pašpartami i pryniać jaje ŭ Sajuzny Kaŭkaz. Adnak paśla prakołu z Asetyjaj i Abchazijaj ja nikomu bolš nia vieryŭ — ni krymčukam, ni Tyraspalu, ni žycharam rasiejskamoŭnaha Kazachstanu. Patrebny byŭ viarniak.
I tut Drazdy prapanavali mnie cikavy plan: nazaŭtra našaje MZS abviaściła ab pryznańni novaj dziaržavy — Złučanyja rajony Mienskaj vobłaści z stalicaj u Barysavie. I ŭžo da kanca pracoŭnaha dnia jana była pryniataja ŭ sajuznyja struktury. Naturalna, Štaty byli pratektaratam Drazdoŭ.
Ciapier u słavianaŭ była znoŭ farmalnaja bolšaść u kiraŭnictvie sajuzu. Ale na hety raz nas prakinuŭ Miensk. Apošni chucieńka znajšoŭ z kaŭkascami kampramis. Biełarusy zachoŭvajuć status kvo, kali im daduć šerah ilhotaŭ: naprykład, biełaruskim padletkam možna budzie brać daviedki ab tym, što jany pa stanie zdaroŭja abo praź siamiejnuju sytuacyju mohuć nie vyvučać pradmiet «džyhitoŭka» — abaviazkovuju školnuju dyscyplinu dla škoł usich krainaŭ Sajuznaha Kaŭkazu.
Tak Šaurma (novaja nazva Maskvy) znoŭ akazałasia ŭ pralocie. Usio, što ŭ takoj sytuacyi zastavałasia federalnamu ŭradu, — abviaścić vajnu Hruzii i prajhrać jaje, kab Saakašvili znoŭ akupavaŭ Abchaziju i Paŭdniovuju Asetyju. Čym i zajmajemsia. Pakul, my paśpiachova adstupajem. Tolki b krainy Sajuznaha Kaŭkazu nie akazali nam vajskovaj padtrymki ŭ ramkach kalektyŭnaj damovy biaśpieki… Što? Prabačcie, mianie kličuć. Tak: kinžał na miescy, papacha taksama. Barada rasčasanaja. Idu, idu, šanoŭny Eduard Džabiejevič!
Kamientary