Ci Łukašenka zdaść «Biełtranshaz»?
«Hazprom» nie padpisaŭ kantraktaŭ ź Biełaruśsiu. Jon čakaje sastupki «Biełtranshazu».
Chutka novy hod, cana ŭzhodnienaja — 48,68 dalara za tysiaču kuboŭ — a kantrakt na pastaŭki hazu tak i nie padpisany. «Premjer Sidorski viarnuŭsia z Maskvy tolki z zaviareńniami ŭ siabroŭstvie», piša «Kamsamołka». Heta nie pieraškodziła jamu zajavić, što «praktyčnyja razychodžańni pa dadzienym pytańni nie ŭstanoŭlenyja», a «Hazpromu» j «Biełtranshazu» dadzienyja daručeńni pa afarmleńni nieabchodnych dakumentaŭ». Ci aznačaje heta, što nacyja raspłacicca hazapravodami za padtrymku Maskvoj sami viedajecie kaho? Rasiejski premjer byŭ by rady takomu hiešeftu. Jak pieradało infarmahienctva Newsinfo, Michaił Fradkoŭ padčas pieramovaŭ zaŭvažyŭ, što supraca nie abmiažoŭvajecca pastaŭkami hazu, jašče zastalisia pytańni, jakija treba farsavać — uzajemadziejańnie «Hazpromu» ź «Biełtranshazam».
Darečy, urady Ŭkrainy j Hruzii admovilisia addać svaje hazapravodnyja systemy ŭ sumiesnyja z «Hazpromam» pradpryjemstvy. Jany razhladajuć tranzytnyja mahutnaści jak stratehičnuju infrastrukturu.
Fota photo.bymedia.net
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary