U 2018-m budziem adznačać stahodździe abviaščeńnia niezaležnaści Biełaruskaj Narodnaj Respubliki. Da śviata kampanija Symbal.by prezientavała dla šyrokaha vykarystańnia firmovy styl #BNR100.
Jaho raspracavali Symbal.by i «Art Siadziba» razam z mastakom Maksam Piakarskim. Jość užo i sieryja suvienirnaj pradukcyi, pradstaŭlenaja na sajcie Symbal.by u raździele «BNR — 100».
Stvaralniki spadziajucca, što ŭznoŭlenuju ŭnikalnuju, dynamičnuju i nievierahodna pryhožuju «Pahoniu» i firmovy styl sa słovami Maksima Bahdanoviča «Nie raźbić, nie spynić, nie strymać» z adnajmiennaha vierša buduć aktyŭna vykarystoŭvacca padčas mierapryjemstvaŭ i akcyj, pryśviečanych hetaj važnaj padziei ŭ historyi Biełarusi.
Dla hetaha krama Symbal.by raźmiaściła na svaim sajcie makiety ŭ dobraj jakaści dla šyrokaha vykarystańnia. Ich možna pampavać, stavić na avatarki, rabić špalery dla telefonaŭ i kamputaraŭ, raspracoŭvać baniery, raściažki, płakaty, afišy, ułasnyja dyzajny, buklety i paštoŭki…
Vyjava Pahoni, vykarystanaja ŭ hetym dyzajnie, znojdzienaja ŭ Biełaruskaj emihracyjnaj kalekcyi. Jana sustrakajecca na piačatkach, błankach i dakumientach Rady BNR, a taksama Suśvietnaha abjadnańnia biełaruskaj emihracyi dy inšych arhanizacyj pa-za miežami Biełarusi z 50-ch hadoŭ XX stahodździa.
Taksama da stahodździa Biełaruskaj Narodnaj Respubliki vypuščanyja vinšavalnyja paštoŭki — ich možna biaspłatna ŭziać u kramie Symbal.by na Mašerava 18 ci atrymać u jakaści bonusa pry paštovaj albo kurjerskaj zamovach tavaraŭ na sajcie kramy.
Abviaščeńnie Biełaruskaj Narodnaj Respubliki — heta adna z hałoŭnych dataŭ u historyi našaj krainy, pačatak doŭhaha i składanaha pracesu farmiravańnia sučasnaj biełaruskaj dziaržaŭnaści. I nam razam treba adznačyć hetuju datu hodna!
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary