Adzin ź lidaraŭ brytanskich nieanacystaŭ Kievin Uiłšau zajaviŭ ab svaim jaŭrejskim pachodžańni, nazvaŭ rasizm śmiećciem i pryznaŭsia ŭ nietradycyjnaj seksualnaj aryjentacyi. Pra heta jon zajaviŭ u intervju Channel 4 News.
Uiłšau raspavioŭ, što raskajvajecca ŭ svaich dziejańniach u minułym i pakidaje šerahi nieanacystaŭ. Jon paviedamiŭ, što jamu, jaŭreju pa maci, udałosia prymirycca z prynaležnaściu da antysiemickaj arhanizacyi. Značna składaniej akazałasia prymiryć jaho homaseksualizm z hamafobijaj, jakoj prytrymlivalisia jaho tavaryšy.
Jon pryznaŭsia, što ŭdzielničaŭ u bojkach, ale biŭsia vyklučna ŭ metach samaabarony. «Padčas sutyčki ŭ Lidsie ja raźbiŭ ab čyjuści hałavu kresła», — uspomniŭ jon.
Uiłšau adznačyŭ, što nikoli nie ŭžyvaŭ hvałtu da mienšaściaŭ. «Ja viedaju vypadki, kali ludziej źbivali tolki za toje, što jany čornyja. Ale heta było ahidna da młosnaści, mienavita heta i pieraviarnuła maju śviadomaść», — padkreśliŭ jon.
Brytaniec taksama zajaviŭ, što maje namier zmahacca suprać svaich byłych tavaryšaŭ. «Ja chaču nanieści im škodu. Tym, chto raspaŭsiudžvaje hetaje śmiećcie [rasisckuju ideałohiju], chto žyvie chłuśnioj i znachodzicca na kručku hetaj prapahandy. Ja chaču zrabić im baluča», — padkreśliŭ mužčyna.
Uiłšau ŭ 1980-ch hadach byŭ adnym z zasnavalnikaŭ, a zatym lidaraŭ brytanskaha Nacyjanalnaha frontu. Arhanizacyja vystupała za «čyściniu rasy» i vysyłku ŭsich imihrantaŭ sa Złučanaha Karaleŭstva.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary