Akademija navuk prapanuje abjavić budaŭnictva AES narodnaj budoŭlaj
«Bo amal pałova nasielnictva Biełarusi hatova ŭdzielničać u finansavańni budaŭnictva atamnaj elektrastancyi», ‑‑ kažuć u viadučaj navukovaj ustanovie Biełarusi.
Amal pałavina nasielnictva Biełarusi hatova ŭdzielničać u finansavańni budaŭnictva AES.
Takija danyja atrymany nibyta ŭ chodzie praviedzienaha ŭ respublicy sacyjałahičnaha apytańnia na temu «Vyvučeńnie hramadskaj dumki pa prablemie jadziernaj enierhietyki i raspracoŭka rekamiendacyj pa pavyšeńniu stupieni davieru nasielnictva da budaŭnictva AES u Respublicy Biełaruś». Ab hetym paviedamiŭ viadučy navukovy supracoŭnik Instytuta sacyjałohii Nacyjanalnaj akademii navuk Biełarusi Michaił Churs siońnia na pres‑kanfierencyi ŭ Minsku.
Jon adznačyŭ, što adno z pytańniaŭ daśledavańnia datyčyła ŭmoŭ, na jakich nasielnictva zhodna ŭkładvać svaje svabodnyja srodki ŭ budaŭnictva AES. Pa vynikach apytańnia, 6 pracentaŭ respandentaŭ adkazali, što ŭkładvali b srodki ŭ doŭhaterminovyja depazity, 25,2 pracenta — u nabyćcio akcyj AES, 11 pracentaŭ — u ablihacyi ŭnutranaj pazyki. Usiaho 49 pracentaŭ nasielnictva hatovy ŭ toj abo inšaj miery ŭdzielničać u finansavańni budaŭnictva stancyi, paviedamiŭ Michaił Churs.
Na jaho dumku, varta było b abjavić stvareńnie AES narodnaj budoŭlaj.Značnaja častka svabodnych srodkaŭ nasielnictva, jakija ciapier nijak nie zadziejničany, mahła b być nakiravana na važnuju i patrebnuju spravu. «Ad hetaha vyjhraje i nasielnictva, i respublika», — padkreśliŭ Michaił Churs.
Sacyjalnaje apytańnie pa vyvučeńni hramadskaj dumki pa prablemie jadziernaj enierhietyki było praviedziena Instytutam sacyjałohii ŭ śniežni 2007‑ha — lutym 2008 hoda. U chodzie jaho pa vypadkovaj vybarcy apytany 2011 respandentaŭ va ŭsich rehijonach krainy.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary