Ekolahi i vyratavalniki sprabujuć patrapić na śled adzinokaha lasnoha miški.
Čarhovaja navina Vulletin Online znoŭ rastryvožyć dapytlivych biełarusaŭ. Napeŭna, siarod ich znojducca achvotnyja dapamahčy ekolaham dy vyratavalnikam. Tamu paviedamlajem: la Marjinaj Horki, što ŭ Puchavickim rajonie, užo dziasiatki ludziej bačyli miadźviedzia‑badziažnika.
Z hutarki ź dziažurnym Puchavickaha rajonnaj inspekcyi Ministerstva pa nadzvyčajnych sytuacyjach Valancinam Ciškovym:
— Da nas patelefanavali ź vioski Niŭki Dryčynskaha sielsavietu.
Miascovaja žycharka paviedamiła, što na vulicy bačyła miadźviedzia. Sa słovaŭ zajaŭnicy, źvier nia kinuŭsia naŭcioki navat kali na jaho kryčali.Naadvarot, jon ź cikaŭnaściu naziraŭ za viaskoŭcami i navat zžavaŭ baton, jaki ludzi jamu padkinuli.
Dziažurny słužby MNS kaža, što jon paviedamiŭ svajmu načalstvu, atrymaŭ zahad źviazacca z kiraŭnictvam rajvykankamu. U svaju čarhu čynoŭniki adasłali ŭ inspekcyju achovy pryrody i navakolnaha asiarodździa. Urešcie, na vyklik vyjechaŭ načalnik hetaj słužby Andrej Šachemiraŭ. Voś što jon paviedamiŭ:
— My vyjavili ślady nievialikaha miadźviedzia. Toj, chto jaho bačyŭ, taksama śviedčać pra maładzieńkaha źviera. Peŭna, jon jašče nie razumieje, što čałaviek moža być voraham.
Nie ŭciakaje apantana i asabista nie vyjaŭlaje ahresii.Adnak, miadźviedź ŭ vioscy Niŭki doŭha nie zatrymaŭsia. Źnik u najbližejšym lasku. A ŭ minułuju piatnicu jaho ŭžo bačyli la voziera Michajłaŭskaje.
Na mierkavańnie Andreja Šachemirava, małady miadźviedź zhubiŭ svaju maci, bo zvyčajna jany trymajucca razam da 3‑4 hadoŭ uzrostu małoha. Baćka‑miadźviedź siamjoj nie zajmajecca.
Ekolah Šachemiraŭ havoryć, što raspracavanaja instrukcyja rajvykankamu, jakaja rehlamentuje pavodziny roznych słužboŭcaŭ u vypadku źjaŭleńnia na miascovaj terytoryi niebiaśpiečnaha źviera.
— Kali miadźviedź budzie pahražać ludziam, to jaho daviadziecca izalavać. Usypić snatvornym i vyvieźci. Pry nieabchodnaści heta zrobić ekalahičnaja inspekcyja pry prezydencie Biełarusi. Jaje najbližejšaje padraździaleńnie mieścicca ŭ Asipovičach i ŭžo viedaje pra lasnoha badziažnika. My taksama papiaredzili ŭładalnikaŭ pčalnikoŭ. Raim im vykarystoŭvać srodki dla adpužvańnia miadźviedzia.
Načalnik inspekcyi Šachemiraŭ prosić svaich ziemlakoŭ nie panikavać. Jon kaža, što sioleta ŭ lesie šmat hryboŭ, dzičak, ažyny. Miadźviedź zabiaśpiečany kormam i ŭ jaho niama padstavaŭ vyjaŭlać svaju ahresiju.
Tym časam u Marjinaj Horcy, Puchavičach i rajonie množacca čutki.
Ludzi aścierahajucca chadzić u les za hrybami, papiaredžvajuć dziaciej, kab nie zatrymlivalisia paśla škoły na vulicy.Na viaskovych darohach značna źmienšyłasia kolkaść ludziej na rovarach.
Cikava, što daśledujučy sytuacyju, ja vyjaviła jašče dvuch miadźviedziaŭ, jakija stała žyvuć u Puchavickim rajonie. Heta tak zvanaja pensijanerka maskoŭskaha cyrku miadźviedzica Naścia. Dahladaje jaje ŭ vioscy Siarhiejevičy fermer Piatro Machoraŭ. Taksama z Maskvy jon pryvioz i Hryšu — maładoha miadźviedzia.
Darečy, praciahłaść žyćcia miadźviedzia — 20‑30 hadoŭ, u niavoli — da 47‑50 hadoŭ. Padličana, što ŭ Eŭropie na siońnia zachavałasia prykładna 14 tysiač asobinaŭ. U Biełarusi pavialičvajecca kolkaść miadźviedziaŭ na čarnobylskich terytoryjach, a taksama ŭ Viciebskaj vobłaści.
Kamientary