Jak Natalla Ejsmant charčavałasia ŭ studenckich stałovych Minska i što z hetaha vyjšła
Padkantrolny Administracyi prezidenta Nacyjanalny pres-centr pravioŭ u śniežni «apieratyŭny analiz jakaści charčavańnia ŭ studenckich stałovych niekatorych VNU». Pa vynikach hetaha analizu pres-sakratarka kiraŭnika dziaržavy Natalla Ejsmant skłała dakładnuju zapisku, ź jakoj toj aznajomiŭsia, paviedamlaje Tut.by.
U čaćvier Minadukacyi, MARH, Minachovy zdaroŭja i rektary VNU atrymali list ad vice-premjera Vasila Žarko, u jakim, u pryvatnaści, havorycca:
«Na praciahu I kvartała va ŭsich VNU charčavańnie pavinna być nie daražejšym, čym u BNTU! Jakaść taksama! Prymicie vyčarpalnyja miery dla zabieśpiačeńnia žorstkaha kantrolu za cenaŭtvareńniem, jakaściu hatavańnia straŭ, zachavańniem sanitarnych normaŭ i praviłaŭ pry arhanizacyi charčavańnia studentaŭ u stałovych VNU».
Dla studentaŭ BNTU charčavańnie arhanizavana ŭ stałovaj spartyŭna-azdaraŭlenčaha kompleksu «Palitechnik», jaki adnosicca da ŭniviersiteta. Najtańniejšy abied tut možna źjeści za 1 rubiel 75 kapiejek. (Sałata z kvašanaj kapusty, boršč, makarona, kuraniaty smažanyja.) Najdaražejšy — 4 rub. 31 kap. (Sałata «Vostraja», boršč, smažanka sa śvininy, kaša rysavaja.)
U inšych VNU Minska ceny ŭ stałovych vyšejšyja, tamu im chutčej za ŭsio budzie składana vykanać daručeńnie ŭrada. U hałoŭnym korpusie BDU najtańniejšy abied kaštuje 3 rubli 40 kapiejek, U MDŁU — 2 rubli 69 kapiejek. Kali pieraličyć minimalnuju stypiendyju ŭ 62 rubli na ciapierašnija ceny abiedaŭ u stałovych, to jaje vidavočna brakuje.
Kiraŭnik adnoj ź minskich stałovak u razmovie z Tut.by źviarnuŭ uvahu na toje, što aproč cenaŭ jość jašče takija paramietry, jak vaha porcyj, jakaja ŭskosna ich i akreślivaje. U zapiscy tym časam hetych dadzienych nie było. Pavodle surazmoŭcy, ciapier, kab student paŭnavartasna paabiedaŭ, treba vydatkavać minimum 3 rubli 50 kapiejek.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary