Biełaruś zaviaršyła 2017 hod z rekordna nizkaj inflacyjaj — 4,6%, i ŭ hetym hodzie i Nacbanku, i ŭradu varta imknucca da taho, kab jana była nie bolš za zajaŭlenuju (nie vyšej za 6%), skazaŭ ministr ekanomiki Uładzimir Zinoŭski u intervju «Hałoŭnamu efiru» na telekanale «Biełaruś 1».
«U ideale inflacyja pavinna być 2-3%, nie bolš, heta suśvietny trend. Tady i staŭka refinansavańnia, i staŭki pa kredytach pradpryjemstvam buduć 6-7%. Idzi ŭ bank, biary kredyt absalutna padjomny, vyrašaj svaje ekanamičnyja pytańni», — zajaviŭ ministr.
Pavodle jaho acenki, vyjści na takija ličby «my prosta abaviazany» ŭ 2020-2021 hadach. «Kali brać trend źnižeńnia inflacyi za apošnija try hady, zdajecca, heta pa siłach», - upeŭnieny jon.
Zinoŭski adznačyŭ, što pa vynikach minułaha hoda nie daciahnuła da ŭzroŭniu 2016 hoda tolki adna z halin — budaŭnictva. Siarod pryčyn hetaha jon nazvaŭ niedachop finansavych resursaŭ i hałoŭnaje «nierasparadlivaść orhanaŭ na miescach». Ministr zapeŭniŭ, što na hety hod usie rašeńni, patrebnyja dla narmalnaha raźvićcia haliny, pryniatyja.
Jon raspavioŭ, što pa vynikach studzienia pryrost VUP składzie 2,1%. Rostu budzie sadziejničać i situacyja na źniešnich rynkach, dzie na «dva — dva ź nievialikim adsotki budzie raści ekanomika ES, 2,3% prahnazuje Rasija, krychu bolš za 3% - suśvietny rost».
Kamientary