Deputaty Jeŭrapiejskaha parłamienta ad kirujučaj u Polščy partyi «Prava i spraviadlivaść» majuć namier adkryć abmierkavańnie atrymańnia respublikaj reparacyj ad Hiermanii za škodu ŭ Druhoj suśvietnaj vajnie na palach Jeŭrapiejskaha parłamienta (JEP). Dla hetych metaŭ na nastupnym tydni jany praviaduć u JEP kanfierencyju pad nazvaj «Reparacyi za Druhuju suśvietnuju vajnu. Prablema dla Hiermanii siońnia».
«Važna zrabić hetuju temu zdabytkam hramadskaści, bolš šyroka pakazać, jak traktavałasia [stanovišča] Polščy i inšych krain paśla Druhoj suśvietnaj vajny, padkreślić prablemu strat Polščy, — acaniŭ polski deputat Arkadyuš Mułarčyk, jaki zajmajecca ŭ parłamiencie pytańniem reparacyj.
«My pavažajem Hiermaniju jak krainu, jak našaha partniora ŭ ES, nas šmat što abjadnoŭvaje, kali kazać pra ekanamičnuju palityku. Ale jość niezavieršanyja spravy, jakija ŭpłyvajuć na polska-niamieckija adnosiny i pavinny być vyrašany cyvilizavanym šlacham», — adznačyŭ deputat.
Adkazvajučy na hałasy krytykaŭ pra toje, što razmova ab reparacyjach z punktu hledžańnia mižnarodnaha prava nie maje sensu i tolki psuje adnosiny dźviuch krain, Mułarčyk pakazaŭ, što Niamieččyna dahetul vypłačvaje hrošy achviaram Chałakostu. «I heta nie psuje adnosiny Hiermanii i Izraila, a, naadvarot, umacoŭvaje ich», — adznačyŭ jon.
Tema reparacyj pačała abmiarkoŭvacca ŭ Polščy ź lipienia, kali lidar kirujučaj u krainie partyi «Prava i spraviadlivaść» Jarasłaŭ Kačyński zajaviŭ, što kraina nikoli nie admaŭlałasia ad kampiensacyj z boku Hiermanii. Ministr nacyjanalnaj abarony Antonij Maciarevič paviedamiŭ u efiry Polskaha telebačańnia, što z pravavoha punktu hledžańnia Varšava maje ŭsie padstavy patrabavać ad Bierlina reparacyj. Va ŭradzie Hiermanii nieadnarazova adznačali, što nie bačać padstaŭ dla jakich-niebudź vypłat, tamu što ŭ 1953 hodzie Polšča aficyjna admoviłasia ad reparacyj.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy82
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary