Raściažki, abvisłaja skura, lišniaja vaha — novy fłešmob pra prymańnie žančynami ŭłasnaha cieła paśla rodaŭ
Pakul častka karystalnikaŭ instahrama vykarystoŭvaje jaho dla pakazu pryvabnaha boku žyćcia, mnohija praź jaho raskazvajuć nieprychavanuju praŭdu pra rečaisnaść.
Tak, fatohraf i maci traich dziaciej — chłopčyka i dziaŭčynak-bliźniatak — Chejli Harniet śmieła vyrašyła nie prosta raskazać pra nastupstvy rodaŭ dla jaje cieła, ale i pakazać ich. Jana zapuściła ŭ instahramie fłešmob pad chešteham #celebrating_my_postpartum.
Sutnaść akcyi prostaja: treba vykłaści svaju fatahrafiju, na jakoj bačny nastupstvy ciažarnaści i dzietanaradžeńnia, ź jakimi sutyknułasia vaša cieła, i raspavieści svaju historyju, supravadziŭšy jaje adpaviednym chešteham, a taksama adznačyć jašče adnu mamu, kab jana padzialiłasia svajoj historyjaj.
U podpisie da svajho pasta fatohrafka ščyra pryznałasia: «Dla mianie šlach pryniaćcia siabie paśla rodaŭ byŭ niaprostym, ale jon akazaŭ na mianie vielizarny psichałahičny ŭpłyŭ. Kudy bolš pryjemna hladzieć na siabie ŭ lusterka, užo nie zmahajučysia z žadańniem adrazu ž adviarnucca.
Advisłaja skura, raściažki, dyjastaz — usio heta častka mianie, i, daliboh, ja budu z usich sił hanarycca tym, jak mocna ŭ fizijałahičnym sensie mianie źmianiła maciarynstva».
Pa cheštehu — užo niekalki socień praŭdzivych raspoviedaŭ pra prymańnie siabie.
-
Łukašenka zajaviŭ pra namier pieranosić u Biełaruś pareštki savieckich sałdat ź jeŭrapiejskich krain
-
U Maładziečnie razdavali sałdackuju kašu, pad daždžom vystraiłasia vialikaja čarha
-
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»1
Kamientary