Na čas futbolnaha čempijanatu Rasija adnović pamiežnyja punkty na miažy ź Biełaruśsiu
Rasijskija ŭłady zaviaršajuć afarmleńnie punktaŭ propusku praź dziaržaŭnuju miažu Rasii da čempijanatu śvietu pa futbole (ČS-2018), jaki adbudziecca ŭ Rasii hetym letam. Pra heta na naradzie pad staršynstvam prezidenta Uładzimira Pucina ŭ čaćvier u Sočy paviedamiŭ vice-premjer Arkadź Dvarkovič.
Punkty nadhladu dla zaŭziataraŭ pavinny źjavicca i na miažy Rasii i Biełarusi, choć dźvie krainy ŭvachodziać u sajuznuju dziaržavu i ich hramadzianie mohuć svabodna pieramiaščacca ŭnutry jaje. «Asablivy vypadak — časovyja punkty propusku, punkty nadhladu pamiž Rasijaj i Biełaruśsiu. Heta takoje tonkaje pytańnie, bo ŭ nas sajuznaja dziaržava», — skazaŭ Dvarkovič.
Pavodle jaho słoŭ, rasijskija čynoŭniki «praktyčna damovilisia z našymi biełaruskimi kalehami i siabrami ab paradku pieramiaščeńnia zaŭziataraŭ praz terytoryju Biełarusi ŭ Rasiju». «Pry nieabchodnaści źvierniemsia da vas pa nieabchodnyja daručeńni, kab zabiaśpiečyć u poŭnaj miery kantrol (na miažy) z udziełam Pahraničnaj słužby FSB», — dadaŭ vice-premjer, źviartajučysia da Pucina.
Ci zakranie rašeńnie ab uviadzieńni punktaŭ nadhladu pamiž dźviuma sajuznymi dziaržavami hramadzian Rasii i Biełarusi, Dvarkovič nie ŭdakładniŭ.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi6
Kamientary