На час футбольнага чэмпіянату Расія адновіць памежныя пункты на мяжы з Беларуссю
Расійскія ўлады завяршаюць афармленне пунктаў пропуску праз дзяржаўную мяжу Расіі да чэмпіянату свету па футболе (ЧС-2018), які адбудзецца ў Расіі гэтым летам. Пра гэта на нарадзе пад старшынствам прэзідэнта Уладзіміра Пуціна ў чацвер у Сочы паведаміў віцэ-прэм'ер Аркадзь Дварковіч.
Пункты надгляду для заўзятараў павінны з'явіцца і на мяжы Расіі і Беларусі, хоць дзве краіны ўваходзяць у саюзную дзяржаву і іх грамадзяне могуць свабодна перамяшчацца ўнутры яе. «Асаблівы выпадак — часовыя пункты пропуску, пункты надгляду паміж Расіяй і Беларуссю. Гэта такое тонкае пытанне, бо ў нас саюзная дзяржава», — сказаў Дварковіч.
Паводле яго слоў, расійскія чыноўнікі «практычна дамовіліся з нашымі беларускімі калегамі і сябрамі аб парадку перамяшчэння заўзятараў праз тэрыторыю Беларусі ў Расію». «Пры неабходнасці звернемся да вас па неабходныя даручэнні, каб забяспечыць у поўнай меры кантроль (на мяжы) з удзелам Пагранічнай службы ФСБ», — дадаў віцэ-прэм'ер, звяртаючыся да Пуціна.
Ці закране рашэнне аб увядзенні пунктаў надгляду паміж дзвюма саюзнымі дзяржавамі грамадзян Расіі і Беларусі, Дварковіч не ўдакладніў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары