Biełaruski pramysłovy forum — 2018, jaki projdzie ŭ Minsku z 29 maja pa 1 červienia, za dva dziasiatki hadoŭ staŭ nie tolki znakavaj kalandarnaj padziejaj, ale i nabyŭ status mižnarodnaha. Siarod viadomych mižnarodnych vystavačnych imprez Biełaruski pramysłovy forum vyłučajecca šyrokim śpiektram prykładnych inavacyj.
Ad 1997 hoda forum źjaŭlajecca bazavaj placoŭkaj, dzie razhladajecca paskorany pierachod da prahresiŭnaha technałahičnaha ŭkładu, placoŭkaj, što farmiruje inžyniernuju dumku na hady napierad.
Meta forumu — spryjać pradpryjemstvam i arhanizacyjam u vyrašeńni zadač pašyreńnia vypusku vysokatechnałahičnaj kankurentazdolnaj pradukcyi, ukaranieńni novych navukajomistych technałohij i abstalavańnia, raźvićci mižnarodnaha supracoŭnictva i pryciahnieńni inviestycyj.
Ciapierašni forum pavinien nadać dynamiku prasoŭvańniu ličbavaj ekanomiki (Industry 4.0), technałohijam aŭtamatyzacyi i IT-rašeńniaŭ u cełym. Pa sutnaści, jon musić stać svojeasablivaj pierazahruzkaj na šlachu da ličbavaj ekanomiki.
Arhanizatary majuć namier stvaryć maksimalna daskanałuju płatformu dla ŭzajemadziejańnia roznych halin pa ličbavym pieraŭtvareńni pramysłovaści. U hetym pracesie ŭsio bolš vyrazna nazirajucca navacyi Dekreta № 8 «Ab raźvićci ličbavaj ekanomiki». Pa vialikim rachunku, zadača ŭ tym, kab stvaryć całkam intehravanuju vytvorčaść — prahnazavanuju i efiektyŭnuju.
Na Biełaruskim pramysłovym forumie — 2018 buduć čatyry asobnyja tematyčnyja vystavačnyja siehmienty.
Daminantny vystavačny prajekt forumu — 21-ja mižnarodnaja śpiecyjalizavanaja vystava technałohij i inavacyj u pramysłovaści «TechInaPram». U minułyja hady jaje ŭdzielnikami stanavilisia pradstaŭniki kampanij bolš čym z 30 krain śvietu. Štohod vystavačnuju ekspazicyju farmirujuć da 300 arhanizacyj, a kala 150 kampanij uvajšli ŭ lik pastajannych ekspanientaŭ, siarod jakich jość i suśvietna viadomyja brendy.
Pašyrajecca cikaŭnaść da vystavy «TechInaPram» z boku rasijskich rehijonaŭ i krain Jeŭrazijskaha ekanamičnaha sajuza. Hetamu jość tłumačeńnie. Naprykład, pa dadzienych Dziaržaŭnaha kamiteta pa navucy i technałohijach, tolki letaś pa dziaržaŭnych navukova-techničnych prahramach było stvorana bolš za 300 novych raspracovak. Pry hetym u halinie mašynabudavańnia vyrablena 16 vopytnych uzoraŭ bytavoj i pramysłovaj techniki. Siarod ich elektrobus, elektramabil, karjerny samazvał BiełAZ hruzapadymalnaściu 180 t, jaki nie sastupaje zamiežnym anałaham pa svaich charaktarystykach, ale pry hetym u 1,5 raza tańniejšy.
Klučavoj padziejaj Biełaruskaha pramysłovaha forumu — 2018 stanie plenarnaje pasiadžeńnie «Biełaruś — miesca intehracyi Zachadu i Uschodu. Budučaje raźvićcio pramysłovaha patencyjału respubliki». Siarod śpikieraŭ zajaŭleny viadomyja ajčynnyja i zamiežnyja navukoŭcy, mieniedžary pramysłovaha siektaru ekanomiki, pradstaŭniki zamiežnych kampanij, ekśpierty.
U miežach Biełaruskaha pramysłovaha forumu — 2018 adbuducca: Mižnarodny simpozium «Technałohii. Abstalavańnie. Jakaść», Mižnarodny navukova-praktyčny simpozium «Pierśpiektyvy raźvićcia adytyŭnych technałohij u Respublicy Biełaruś».
Žyvaści forumu dadaduć tradycyjny Kirmaš inavacyjnych raspracovak, Kaapieracyjnaja birža «Navuka i pramysłovaść — stratehija inavacyjnaha supracoŭnictva», a taksama Birža subkantraktaŭ u pramysłovaści.
Asablivuju vytvorčuju misiju ŭ miežach Biełaruskaha pramysłovaha forumu — 2018 majuć śpiecyjalizavanaja vystava «PRAFZVARKA» i 14-y konkurs zvarščykaŭ Biełarusi.
Na vystavie buduć pradstaŭleny najnoŭšyja vidy zvaračnaha abstalavańnia, krynicy zabieśpiačeńnia, instrumienty i prystasavańni dla zvaračnych rabot, a taksama kamplektujučyja, aksesuary i raschodnyja materyjały, chimija dla apracoŭki mietału i abstalavańnie. Kulminacyjaj vystavy «PRAFZVARKA» stanie konkurs zvarščykaŭ, u jakim voźmuć udzieł pradstaŭniki arhanizacyj Minprama, Minbudarchitektury, Minenierha, Minadukacyi, Minžyłkamhasa, kancerna «Biełnaftachim», NAN Biełarusi, a taksama arhanizacyj bieź viedamasnaj padparadkavanaści.
Cudoŭnyja mahčymaści dla vybudoŭvańnia efiektyŭnych kantaktaŭ pastaŭščykoŭ abstalavańnia dla chimičnaj i naftahazavaj pramysłovaści i spažyŭcoŭ pradukcyi chimičnaha siektaru daje 17-ja mižnarodnaja vystava «Chimija. Nafta i haz», jakaja budzie prachodzić 29 maja — 1 červienia 2018 hoda na adnoj placoŭcy ź mierapryjemstvami Biełaruskaha pramysłovaha forumu — 2018.
Vystava ličycca adzinym vystavačnym prajektam u Biełarusi ŭ chimičnaj i naftahazavaj tematycy. Jaje ekspazicyja — krynica kaštoŭnaj infarmacyi pa pytańniach rynku i najnoŭšych inavacyjnych raspracovak, pašyreńnia śfier praktyčnaha prymianieńnia chimičnych technałohij, a taksama dasiahnieńniaŭ chimičnaj pramysłovaści i navuki.
Šmat z taho, što tut budzie vystaŭlena, kardynalna mianiaje pohlady i vytvorčyja padychody. Na vystavie budzie pakazany sučasny stan rynku chimičnych technałohij, a taksama efiektyŭnaść prymianieńnia pierśpiektyŭnych navukova-techničnych raspracovak u halinie chimii i ekałohii, zdabyčy, pierapracoŭki i transpartoŭki nafty i hazu.
Aficyjnuju padtrymku vystavie «Chimija. Nafta i haz» akazvajuć kancern «Biełnaftachim» i Nacyjanalnaja akademija navuk Biełarusi.
U miežach prahramy vystavy adbudziecca sieminar «Pierśpiektyvy navuki — chimičnaj i naftachimičnaj vytvorčaściam», arhanizavany Instytutam chimii novych materyjałaŭ NAN Biełarusi. Sieminar budzie prachodzić pad patranažam doktara chimičnych navuk, akademika NAN Biełarusi Uładzimira Ahabiekava. Razmova pojdzie pra novyja raspracoŭki biełaruskich navukoŭcaŭ i ich supracoŭnictva z arhanizacyjami kancerna «Biełnaftachim».
Tematyčnym praciaham demanstracyjnaj śfiery naftachimii stanie mižnarodnaja śpiecyjalizavanaja vystava palimiernych materyjałaŭ, vytvorčaha abstalavańnia i technałohij vyrabu płastykavaj pradukcyi — PŁASTECH.
Tradycyjna na jaje placoŭcy prachodziać pramyja kantakty rabotnikaŭ vytvorčaści sa spažyŭcami. Tut demanstrujucca technałohii racyjanalnaha i ekałahičnaha vykarystańnia płastykavaj vytvorčaści ŭ pramysłovym siektary, adbyvajecca prasoŭvańnie sučasnych płastykavych praduktaŭ, jakija vykarystoŭvajucca ŭ bytavym i pramysłovym siektarach.
Mižnarodny vystavačny prajekt Biełaruski pramysłovy forum — 2018 pravodzicca pad patranažam Urada Respubliki Biełaruś. Aficyjnaja padtrymka respublikanskich orhanaŭ dziaržkiravańnia, vykanaŭčych orhanaŭ ułady ŭsich abłaściej Biełarusi i horada Minska, ustanoŭ navuki i adukacyi, hramadskich abjadnańniaŭ.
Arhanizacyjny kamitet pa padrychtoŭcy i praviadzieńni forumu ŭznačalvaje namieśnik premjer-ministra Respubliki Biełaruś Uładzimir Siamaška.
Vystavy «TechInaPram», «PRAFZVARKA» i inšyja mierapryjemstvy Biełaruskaha pramysłovaha forumu — 2018, a taksama vystavy «Chimija. Nafta i haz» i «PŁASTECH» buduć prachodzić 29 maja — 1 červienia pa adrasie: Minsk, pr. Pieramožcaŭ, 20/2, Futbolny maniež.
29—31 maja z 10.00 da 18.00 | 1 červienia z 10.00 da 16.00.
Arhanizatar: vystavačnaje pradpryjemstva «Ekspaforum», expoforum.by
Unitarnaje pradpryjemstva «Ekspaforum». UNP 100702781
Ciapier čytajuć
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili35
Kamientary