Alaksandr Łukašenka, pryznačajučy siońnia Juryja Cierciela načalnikam Dziaržinśpiekcyi achovy žyviolnaha i raślinnaha śvietu pry prezidencie Biełarusi, zapatrabavaŭ ad jaho navieści žalezny paradak u hetaj struktury, piša BiełTA.
«Vaša zadača — pryjści ŭ inśpiekcyju, razabracca z tym štatam, ź jakim vy budziecie pracavać, pahladzieć na ludziej i žaleznaj rukoj navieści paradak u inśpiekcyi, a zatym i likvidavać vuzkija miescy, jakija, mahčyma, paŭstali ŭ krainie pa achovie žyviolnaha i raślinnaha śvietu», — daručyŭ kiraŭnik krainy.
«Vielmi šmat budzie plotak, razmoŭ, što Łukašenka znoŭ uziaŭ uchił na pryznačeńnie vajskoŭcaŭ u tyja ci inšyja hramadzianskija struktury. Ja hetaha absalutna nie bajusia, vy pavinny być da hetaha hatovyja.
Bolš za toje, nie skažaš, što Dziaržaŭnaja inśpiekcyja — hramadzianskaja. A z tym bačańniem, jakoje ŭ mianie na hetuju inśpiekcyju, jana bolš, čym vajennaja», — padkreśliŭ kiraŭnik dziaržavy.
Łukašenka raskazaŭ, što hety dziaržorhan stvaraŭsia pa jaho inicyjatyvie i na bazie peŭnych struktur za košt ich kolkaści, kab nie vydzialać lišnija hrošy ź biudžetu i nie pładzić lišnich ludziej u pahonach.
«U nas bahaćcie adno — heta pryroda. Haspodź nas nadzialiŭ vydatnaj pryrodaj, jaje asnovaj źjaŭlajecca raślinny i žyviolny śviet. Ale hety dar nie moža być biaskonca dobrym, kali da jaho drenna stavicca. Jaho treba bierahčy, pieścić, adnaŭlać. Našu pryrodu i toj žyviolny śviet, ź jakim my siońnia žyviem, treba zachavać. Tamu była stvorana hetaja inśpiekcyja», - adznačyŭ Alaksandr Łukašenka
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy4
Kamientary