Razam ź miedycynskimi funkcyjanierami i lekarami siłaviki zatrymali hrupu biznesmienaŭ, jakija zajmalisia pastaŭkami lekaŭ i miedtechniki. Siarod ich i dyrektar kampanii «Iskamied» Siarhiej Šakucin, paviedamili karystalniki partała Tut.by.
«Biznesmienaŭ padazrajuć u dačy chabaru čynoŭnikam», — skazali surazmoŭcy. Pa ich słovach, biznesmieny heta admaŭlajuć.
Kampanija «Iskamied» była stvorana ŭ mai 1995 hoda. Siońnia heta adno z najbujniejšych pryvatnych pradpryjemstvaŭ na farmaceŭtyčnym rynku Biełarusi.
Sietka aptek «Iskamied» składajecca z 84 handlovych kropak u roznych rehijonach krainy, havorycca na sajcie kampanii.
Mocnyja pazicyi «Iskamieda» i na aptovym rynku. Pa słovach udzielnikaŭ rynku, kampanija ŭvachodzić u trojku dystrybjutaraŭ i imparcioraŭ lekaŭ.
U pradpryjemstva składzieny pramyja dahavory ź viadučymi biełaruskimi vytvorcami, zamiežnymi zavodami. Klijentami pradpryjemstva źjaŭlajucca dziaržaŭnyja farmaceŭtyčnyja pradpryjemstvy, lačebna-prafiłaktyčnyja ŭstanovy, najbujniejšyja pryvatnyja aptečnyja sietki i vialikaja kolkaść samastojnych aptek, havorycca ŭ prezientacyi kampanii.
Siarhiej Šakucin — małodšy brat staršyni rady dyrektaraŭ «Amkador-kirujučaja kampanija chołdynhu» Alaksandra Šakucina.
U siłavych viedamstvach atrymać kamientar nie ŭdałosia.
Kamientary