Praciahłyja daždžy i mocny viecier chutkaściu da 27 mietraŭ za siekundu čakajucca ŭ Biełarusi 24 vieraśnia, paviedamlaje Biełhidramiet. Abvieščany aranžavy ŭzrovień niebiaśpieki.
Budzie vobłačna. Nočču pa paŭdniovym zachadzie projduć daždžy, dniom na bolšaj častcy terytoryi krainy — praciahłyja mocnyja daždžy. Viecier budzie paŭdniovy ź pierachodam na paŭnočna-zachodni: nočču pa paŭdniovym zachadzie krainy, a dniom u mnohich rajonach mocny, paryvisty, miescami vielmi mocny. Čakajecca ŭzmacnieńnie vietru paryvami 15-20 m/s, miescami — da 22-27 m/s.
Tempieratura pavietra nočču i ranicaj składzie 5-10 hradusaŭ ciapła, pa poŭnačy ŭ asobnych rajonach — plus 2-4 hradusy. U druhoj pałovie dnia pavysicca da 8-14 hradusaŭ sa znakam plus, pa Homielskaj vobłaści — da 16 hradusaŭ.
U aŭtorak 25 vieraśnia ŭ mnohich rajonach krainy zachavajecca ŭzmacnieńnie vietru paryvami 15-20 m/s, nočču miescami pa ŭschodzie da 22-27 m/s.
Rekamiendacyi MNS pry mocnym vietry:
- Prybiarycie haspadarčyja rečy z dvara i bałkonaŭ u dom (padvał), abrežcie suchija drevy, jakija mohuć paškodzić vašaje žyllo.
- Mašynu pastaŭcie ŭ haraž, pry adsutnaści haraža mašynu varta parkavać udalečyni ad dreŭ, a taksama słaba umacavanych kanstrukcyj.
- Abychodźcie chistkija budynki i damy ź niaŭstojlivym dacham.
- Paźbiahajcie dreŭ i raznastajnych zbudavańniaŭ pavyšanaj ryzyki (mastoŭ, estakad, trubapravodaŭ, linij elektrapieradač, patencyjna niebiaśpiečnych pramysłovych abjektaŭ).
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada23
Kamientary