Alaksandr Łukašenka bačyć chiby ŭ vajskovaj padrychtoŭcy i ŭ cełym vychavańni moładzi siarod mužčynskaj častki nasielnictva z-za vialikaha adsotka adterminovak ad słužby ŭ vojsku. Pra heta jon zajaviŭ siońnia, adkazvajučy na pytańni žurnalistaŭ.
Adno z pytańniaŭ tyčyłasia prestyžu vajskovaj słužby i što nieabchodna zrabić, kab jaho pavysić. «Ja niekalki rezki pry vykazvańniach na hetuju temu. Bo heta mianie, jak mužyka, nie tolki prezidenta, zanadta čaplaje», — padkreśliŭ biełaruski kiraŭnik.
Jon u suviazi z hetym adznačyŭ, što ŭ Biełarusi kala 80% ź liku tych, chto padlahaje pryzyvu na terminovuju vajennuju słužbu, dajucca adterminoŭki pa tych ci inšych padstavach. «Amal 80% pa zakonie ŭ adterminoŭcy. Kamuści pa vučobie, kamuści pa siamiejnych abstavinach …
To bok my sami pryniali takija rašeńni, što ludzi pa zakonie mohuć nie słužyć. Heta nie narmalna. Viedajecie, my vymirajem jak kłas, my vymirajem jak mužyki», - skazaŭ jon.
Kiraŭnik dziaržavy źviarnuŭ uvahu, što ŭ vypadku vajennaha kanfliktu mnohija prosta nie buduć umieć karystacca razdadzienaj zbrojaj.
«My vielmi surjozna, i heta naša zadača, na praciahu hetaha hoda i najbližejšaha paŭhodździa padumajem nad tym, jak zrabić tak, kab navučyć mužyka abaranić chacia b siabie i svaju siamju, nie kažučy ŭžo pra toje, što jon Radzimu pavinien abaraniać.
My sami tut nachamutali kuču pytańniaŭ i siońnia achajem, ochajem, što ŭ nas niedzie nie chapaje vajskoŭcaŭ», - zajaviŭ kiraŭnik dziaržavy.
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj10
Kamientary