Z turmy na Akreścina paśla adbyćcia 15 sutak aryštu vyjšli Źmicier Daškievič, Artur Fińkievič i Pavał Drazdoŭ. Chłopcaŭ zatrymali 17 krasavika, kali jany išli ŭ budynak Maskoŭskaha sudu Miensku. Aktyvist štabu Alaksandra Kazulina Pavał Drazdoŭ chacieŭ prysutničać na sudzie ŭ Juryja Radziviła, a Źmicier Daškievič i Artur Fińkievič – u spravie dacenta peduniversytetu Juryja Bačyščy, jakoha z palityčnych pryčynaŭ zvolnili z pracy. Maładafrontaŭcy Artur Fińkievič i Źmicier Daškievič zajavili, što dałučylisia da haładoŭki.
Palitviaźniaŭ adpuścili na volu raniej za vyznačany termin. Źmicier Daškievič vyjšaŭ raniej na paŭtary hadziny.
Artura Fińkieviča j Paŭła Drazdova milicyjanty advieźli ad budynku turmy na mašynie. Artura vysadzili na vulicy Siamaški, a Paŭła advieźli krychu dalej. Artur viartaŭsia na taksoŭcy da bramy turmy, dzie jaho čakali paplečniki – siabry niezarehistravanaj arhanizacyi «Małady front».
Chłopcy, niahledziačy na toje, što adzin adsiedzieŭ bolš za try miesiacy ŭ SIZA, a druhi adbyvaŭ treci zapar aryšt, trymalisia badziora j navat žartavali. Havoryć Źmicier Daškievič:
(Daškievič: ) «Siadziełasia – super! Jak na kurorcie! U rodnych ścienach! Vychodzić nie chaciełasia. Byli ja i Fińkievič. Fińkievič vielmi šmat jeŭ, padjeŭ usie zapasy sała… My navat paru dzion haładali, ale braty nam dapamahali. Jon, naahuł, žare… Ja nia viedaju, jak my jaho prakormim. Ja ŭžo staŭlu pad pytańnie isnavańnie «Maładoha frontu!» (Śmiajecca.)
(Karespandentka: ) «Ty ž hetuju vybarčuju kampaniju amal adtul nie vychodziš?»
(Daškievič: ) «Stamiŭsia ŭžo. Ale – nu što ž ty zrobiš?»
Dla Artura Fińkieviča nia stała niečakanaściu toje, što jaho pasadzili ŭ milicejski «varanok» u dvary turmy.
(Fińkievič: ) «Vyvieźli, kab nie mahli narmalna nas sustreć ludzi. Moža, kab my nia zładzili niejkaha mitynhu ci inšaha masavaha mierapryjemstva. Ja čuŭ, jak dziažurny chacieŭ vyklikać aŭtobus AMAPu. Ale im AMAPu nie dali, tamu jany vyrašyli nas vyvieźci».
(Karespandentka: ) «Kali paraŭnać umovy ŭtrymańnia ŭ SIZA i na Akreścina – dzie lepš?»
(Fińkievič: ) «Umovy isnavańnia – tut značna praściej siadzieć, bo viedaješ, što adsiedziš 15 sutak, i na hetym usio skončycca. Tut užo rodnyja ścieny, viedaješ u tvar kožnaha supracoŭnika, i jon ciabie. A łožak, bializna ŭ našych umovach – heta nie hałoŭnaje».
Chłopcy admovilisia ad čakaladak, jakija im prapanavali dziaŭčaty. Jany zajavili, što dałučajucca da haładoŭki j nia buduć jeści, pakul hramadzkaść nie zapatrabuje ad uładaŭ spynić pieraśled moładzievych aktyvistaŭ.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5757
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz57
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary