Biełaruskaja śpiavačka ŭvajšła ŭ lik 13 vykanaŭcaŭ, jakija ŭ nastupnuju subotu vystupiać u žyvym efiry kanału STB.
U pačatku efiru kožnamu z čatyroch sudździaŭ dastałasia svaja katehoryja: dziaŭčaty, chłopcy, hurty i 30+. Dziaŭčaty trapili da šansańje Aleha Vińnika. Ź siamiorki najlepšych Vińnik musiŭ abrać troch. Palina vystupała treciaj z ułasnaj pieśniaj «Ja zrazumieju». Pierad vystupam havaryła ab tym, što na šou niby vyjšła ŭ adkryty kosmas, trapiła ŭ zusim novy dla siabie rytm žyćcia.
«Heta treba dla taho, kab spaznać siabie: niechta skača z parašutam, niechta prychodzić na Ch-faktar».
«Jana ni da kaho nie padobnaja», «Jana realna kruta vyhladaje na ekranie», «Klovaja» — kazali pra jaje kankurentki ŭ čas pieśni.
Žury chvalać Palinu na praciahu ŭsich etapaŭ. Pra pieršy vystup pisała «Naša Niva».
Mnoha kamplimientaŭ Palina atrymała ad sudździaŭ i padčas druhoha etapu, vykanaŭšy «Šampanśki oči» hurtu «Skriabin». «Heta byŭ najmuzyčniejšy vystup dnia» — Dmytro Šuraŭ («Pianoboy»), «Mnie vielmi spadabałasia, heta napraŭdu było vielmi dobra, małajčyna» — Andrej Daniłka, «Jakaja ž jana niezvyčajnaja!» — Naścia Kamienskich.
Na prajekcie śpiavačka vystupaje pad psieŭdanimam PALINA, takim napisańniem padkreślivajučy svajo biełaruskaje pachodžańnie (pa-ŭkrainsku imia pišacca praz «o»). Pa-biełarusku, staranna «akajučy», vymaŭlaje jaje imia i trenier Aleh Vińnik.
Uvieś apošni etap kastynhu možna pahladzć tut:
Ciapier kožnuju subotu ŭsie 13 vykanaŭcaŭ buduć pradstaŭlać pa adnoj pieśni, padrychtavanaj na praciahu tydnia pad kiraŭnictvam nastaŭnika. Uvieś efir hledačy buduć hałasavać za ŭpadabanaha vykanaŭcu i ŭ kancy efiru z dvaich udzielnikaŭ, jakija nabrali najmienš hałasoŭ, žury budzie abirać adnaho, jaki zastaniecca ŭ šou.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary