U efiry ANT ministr unutranych spraŭ Ihar Šunievič u čarhovy raz vykazaŭsia pra hiejaŭ, davoli rezka.
Čytajcie taksama: Šunievič: «Dziravyja» karystajucca adtulinami nie pa pryznačeńni
Naŭrad ci heta vykliča vostruju dyskusiju ŭ hramadstvie, bo pohlady Šunieviča daŭno viadomyja.
Ale prynamsi dla niekatorych sumiežnych słužbaŭ nastupstvy mohuć być — tak, paśla minułaj rezanansnaj zajavy MUS «Jany nie projduć» u bok pasolstva Brytanii, u publičnuju pikiroŭku z Šunievičam ustupiŭ ministr zamiežnych spravaŭ Makiej.
Čytajcie taksama: Makiej prakamientavaŭ słovy MUS pra ŁHBT: Lubaja struktura, robiačy zajavy, pavinna dumać ab nastupstvach
Ci moža naškodzić źniešnim adnosinam Biełarusi čarhovy pierł ministra ŭnutranych spraŭ?
My spytalisia ŭ dvuch dypłamataŭ. Praŭda, jany trymajucca roznych pazicyj.
«Chutčej nie, — ličyć pieršy dypłamat. — Nie skazać, što tema hiejaŭ — heta centralnaja tema dyjałohu pamiž Biełaruśsiu i Zachadam. Jana nikoli vostra nie stajała. Minułaja niezadavolenaść Makieja tłumačyłasia tym, što viedamstva Šunieviča ŭ svajoj zajavie zakranuła zamiežnaje pasolstva, a heta ŭžo dypłamatyčnaje pole, a nie ŭnutranych spraŭ. A ciapier situacyja inšaja. Čałaviek ahučyŭ svaje piersanalnyja pohlady, na jakija maje prava, nichto z zamiežnikaŭ nie zakranuty. Naŭrad ci z hetaha niešta razdźmujecca».
Druhi dypłamat, ź jakim my pahavaryli, ličyć što addaleny efiekt moža być.
«Aficyjnaja pazicyja Biełarusi ŭ tym, što ŭ nas niama dyskryminacyi. Ale nieadnarazovyja vykazvańni kiraŭnika MUS śviedčać, što jana ŭsio ž jość i na dziaržaŭnym uzroŭni. Usie hetyja vykazvańni sabirajuć pasolstvy, śpiecdakładčyk pa Biełarusi pry AAN i hetak dalej. Nu i ŭjavim, što vystupaje na niejkaj placoŭcy naš dypłamat u duchu, što my — cyvilizavanaja dziaržava. Maŭlaŭ, niezadavolenyja jość, ale heta — zvyčajnaja palityčnaja baraćba. I tut zachodniki dastajuć śpis razdrukavanych vykazvańniaŭ Šunieviča i pačynajuć im tykać: «heta vašaja aficyjnaja pazicyja, možna padumać, što vy dyskryminujecie nie tolki hiejaŭ, ale i ŭsich inšych, kaho nie adnosicie da bolšaści». Dalej biełaruskamu dypłamatu zastajecca tolki apuścić vočy i pačać havaryć pra našyja straty ŭ Druhoj suśvietnaj vajnie, škodu ad Čarnobyla i ciažki šlach da niezaležnaści. Tamu na praktycy takija publičnyja vykazvańni aficyjnaj asoby mohuć adbicca na rabocie dypłamataŭ», — miarkuje jon.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy43
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary