Ahučana rašeńnie suda Savieckaha rajona Minska pavodle biznesoŭca Leanida Zajdesa da haziety «Novy Čas» i žurnalista Dzianisa Ivašyna, piša baj.by.
Pazoŭ Lenida Zajdesa zadavoleny častkova:
«Novy čas» abaviazany spłacić Zajdesu 700 rubloŭ maralnaj kampiensacyi i sudovyja vydatki. Akramia taho, «Novy čas» pavinien apublikavać abviaržeńnie svajho materyjału.
Žurnalist Dzianis Ivašyn nie musić płacić kampiensacyju Zajdesu.
Pretenzii biznesmena tyčylisia dvuch artykułaŭ: u adnym materyjale hazieta napisała, što kampanija Zajdesa «maje dačynieńnie da niezakonnaha budaŭnictvu restarana «Pajedziem, pajadzim», u druhim — što va Ukrainie na Zajdesa była zaviedziena kryminalnaja sprava.
I toje, i inšaje Zajdes patrabavaŭ abvierhnuć. Akramia taho, u svaim pazovie biznesmen patrabavaŭ vypłacić jamu maralnuju kampiensacyju ŭ pamiery 8 tysiač rubloŭ: 5 tysiač ad redakcyi, 3 — ad aŭtara artykułaŭ Dzianisa Ivašyna.
Advakat biznesmena Jaŭhienija Patapava pradastaviła sudu daviedku z MUS Ukrainy ab tym, što Zajdes da kryminalnaj adkaznaści tam nie pryciahvaŭsia.
Paśla rašeńnie suda kiraŭnictva haziety zajaviła, što budzie padavać apielacyju, piša Tut.by.
Kamientary