Daviadziecca pravieści rekanstrukcyju jak samich inžyniernych sietak, tak i čašy.
Rekanstrukcyju fantana kala Pałaca kultury «MAZ» płanujuć zaviaršyć da pačatku nastupnaha siezona fantanaŭ. Pra heta raskazaŭ hiendyrektar «Minskzielanbuda» Alaksandr Jermałovič, pišuć «Minsk-Naviny».
Na bałansie «Minskzielenbuda» znachodziacca 42 fantany, dva ź jakich sioleta byli pieradadzienyja słužbam ŽKH.
— Adzin ź ich raźmieščany na vulicy Majakoŭskaha, pobač z budynkam administracyi Leninskaha rajona. Jon mieŭ patrebu tolki ŭ nievialikim ramoncie i ŭžo funkcyjanuje, — adznačyŭ Alaksandr Jermałovič.
Druhi pieradadzieny abjekt znachodzicca na Partyzanskim praśpiekcie, pobač z Pałacam kultury «MAZ». Situacyja tut bolš składanaja, bo ŭsie kamunikacyi fantana pryjšli ŭ nieprydatnaść.
— Faktyčna daviadziecca pravieści rekanstrukcyju jak samich inžyniernych sietak, tak i čašy. Ale ja ŭpeŭnieny, što my dadzim z hetym rady za zimovy pieryjad, da nastupnaha siezona pracy fantanaŭ. U nastupnym hodzie hety abjekt nabudzie krychu inšy vyhlad i zapracuje, — zapeŭniŭ hienieralny dyrektar «Minskzielanbuda».
Jermałovič spyniŭsia na pytańni pracy fantana nad handlovym centram «Stalica» na płoščy Niezaležnaści, jaki pracuje nie zaŭsiody.
— Praca kožnaha fantana viadziecca pavodle hrafiku. Heta źviazana jak z techničnymi mahčymaściami pompaŭ, tak i ź nieabchodnaściu ačyščeńnia čašy, pakolki źliŭnyja adtuliny zabivajucca śmiećciem i liściem. Režym pracy my ŭzhadniajem z administracyjami adpaviednych rajonaŭ, — skazaŭ A. Jermałovič.
Kamientary