Siły apazicyi Vieniesueły viaduć zakulisnyja pieramovy z prychilnymi da jaje pradstaŭnikami kamandavańnia nacyjanalnych Uzbrojenych sił, a taksama hramadzianskich uradavych struktur, sprabujučy damahčysia adchileńnia ad ułady prezidenta Nikałasa Madury. Pra heta zajaviŭ lidar vieniesuelskaj apazicyi Chuan Huajdo ŭ apublikavanym u niadzielu intervju haziecie The Washington Post. 23 studzienia Huajdo abviaściŭ siabie v.a. prezidenta Vieniesueły.
«My viadziom pieramovy z słužbovymi asobami ŭrada [Vieniesueły] - hramadzianskimi i vajskoŭcami. Heta nadzvyčaj dalikatnaja tema, jakaja zakranaje asabistuju biaśpieku [ŭdzielnikaŭ takich kantaktaŭ]. My ź imi pravodzim sustrečy, ale biez pryciahnieńnia [da hetaha] ŭvahi», — cytuje słovy lidara apazicyi TASS.
Jon adznačyŭ, što pierad tym, jak pačniecca padrychtoŭka da novych vybaraŭ, «nieabchodna ŭrehulavać niekalki aśpiektaŭ». Jon vykazaŭ zdahadku, što heta zojmie šeść-dzieviać miesiacaŭ, kali Madura sydzie ŭ adstaŭku, a vybarčaja sistema budzie ŭ samyja karotkija terminy pazbaŭlena ad karupcyi.
Huajdo raspavioŭ, što apazicyja «rychtujecca kinuć vyklik uładam» i dastavić u respubliku charčovuju dapamohu, jakuju nadali, u pryvatnaści, ZŠA. Nikałas Madura, śćviardžaje The Washington Post, pieraškadžaŭ dastaŭcy humanitarnaj dapamohi ŭ respubliku.
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary