Dzień Voli ŭ 2018 hodzie, fota Siarhieja Hudzilina
AHP, BSDP (Hramada) i ruch «Za svabodu» padali ŭ Minharvykankam zajaŭku na praviadzieńnie 25 sakavika mitynhu. Pra heta lidary abjadnańniaŭ raspaviali na pres-kanfierencyi ŭ paniadziełak, piša Tut.by
Pavodle scenara, jaki apisany ŭ zajaŭcy, mitynh płanujecca pravieści la Vialikaha teatra opiery i baleta. Jak i ŭ minułym hodzie, partyi chočuć pastavić pierad teatram svaje pałatki, dzie buduć raspaviadać ab svajoj dziejnaści.
- Adnymi mitynhami niezaležnaść nie abaroniš. Tamu my taksama budziem zaklikać pastavić svoj podpis pad dakumientam ab vychadzie z Sajuznaj dziaržavy, - zajaviŭ lidar BCHD, jakaja padtrymała padaču zajaŭki, Vital Rymašeŭski.
Lidery apazicyjnych partyj padkreślili, što mitynh - nie zamiena, a dadatak da kancerta, jaki projdzie 24 sakavika. Ale, na ich dumku, palityčny padtekst u Dnia Voli, u vyhladzie mitynhu, pavinien być. Asabliva va ŭmovach siońniašnich zajavaŭ Rasii ab pahłyblenaj intehracyi.
- Nijakich supiarečnaściaŭ ja nie baču, mnie zdajecca, my dapaŭniajem adzin adnaho. Kancert ŭsialak padtrymlivajem, my pavinny pakazvać uładam, što my biezumoŭna za suvierenitet usimi sposabami, - skazaŭ v.a staršyni partyi AHP Mikałaj Kazłoŭ.
Mitynh, pavodle zajaŭki, raźličany na 25-30 tysiač čałaviek.
Nahadajem, 16 studzienia arhkamitet pa śviatkavańni Dnia Voli ŭ Miensku padaŭ zajaŭku ŭ Minharvykankam na praviadzieńnie śviatočnych mierapryjemstvaŭ. U zajaŭcy arhanizatary prosiać dazvolić 24 sakavika šeście ad vulicy Kastryčnickaj da stadyjona «Dynama», dzie projdzie mitynh i kancert. Haradskija ŭłady na zajaŭku pakul nie adkazali, kiraŭnictva «Dynama» zajaŭlała, što pravieści kancert 25 sakavika na stadyjonie niemahčyma ŭ suviazi z padrychtoŭkaj da Jeŭrapiejskich hulniaŭ.
U Biełarusi nazirajucca prablemy ź internetam. Voś što pišuć pra heta ludzi2
Kamientary