Na zamietku: tolki pahladzicie, jak šmat makijažaŭ možna zrabić prosta z dapamohaj adnoj padvodki FOTA
Padvodka — adzin z samych šmatfunkcyjanalnych praduktaŭ dla makijažu. Jana maje dosyć ruchomuju teksturu, što dazvalaje jak pravieści vyraznuju liniju, tak i rastušavać jaje (asabliva lohka heta zrabić z hielevaj padvodkaj, ale toje samaje datyčycca i vadkaj jaje raznavidnaści).
U siońniašniaj padborcy sabrana piać prykładaŭ roznych makijažaŭ z vykarystańniem adnaho i taho ž srodku — Deer Eyes ad biełaruskaj kampanii Relouis.
Heta niedarahaja vadkaja čornaja padvodka ź vielmi zručnym doŭhim tonkim pendźlem, jakim možna jak namalavać kłasičnyja strełački, tak i stvaryć niezvyčajny i navat avanhardnyja mejk. A voś jaje sabrata, kalarovuju padvodku Legal Eyes, kuplać nie rekamienduju — huaš huaššu.
Akuratnaść i dakładnaść, viadoma, važnyja ŭ pracy z vadkaj padvodkaj, kali maluješ joju strełku, ale časam možna trochi rassłabicca i dazvolić sabie mastackuju niadbajnaść. Dobry vybar dla śviatočnaj padziei (pa chleb schadzić taksama padydzie), vielmi ŭstojlivy i robicca za piać chvilin.
Kab paŭtaryć hety makijaž, pastaŭcie lusterka na ŭzroŭni padbarodka i, hledziačy ŭ jaho źvierchu ŭniz, chaatyčna nanoście tonkija linii na pavieka.
Parada: nie śpiašajciesia i nie chvalujciesia, tamu što vadkaja padvodka adčuvaje vaš strach, davajcie kožnaj linii krychu padsochnuć, pierad tym jak pravieści nastupnuju, i ŭstrymajciesia ad čchańnia.
Kali budziecie vykarystoŭvać druhi koler, lepš za ŭsio ŭziać mietalik (vadkija cieni Essence u dadzienym vypadku), bo jon vielmi dobra pierakryvaje čornuju padvodku, a značyć, možna papravić lubyja ahrechi. Dy i dadatkovaje źziańnie jašče nikomu nie škodziła!
Vadkaja padvodka dobraja ŭniviersalnaściu — za košt svajoj tekstury jana dazvalaje namalavać jak liniju, tak i klaksy, kropku, pyrski i boh viedaje što jašče, u adroźnieńnie ad, naprykład, hielevaj abo fłamastaraŭ.
Skarystajemsia hetaj jaje ułaścivaściu, kab zrabić makijaž «u harošak»! Dla jaho lepš za ŭsio padydzie niejki instrumient ź ćviordym končykam — naprykład, u sietcy kramaŭ Fix Price jość u prodažy kapieječnyja silikonavyja i mietaličnyja dotary (mietaličnyja stryžni z zakruhlenym kancom i płastykavaj ručkaj), pieršapačatkova pryznačanyja dla manikiuru. Možna taksama skarystacca podvodkoj ź fietravym nakaniečnikam (naprykład, Luxvisage Red), ale damahčysia vyraznaści budzie značna ciažej. Takim čynam, pačynajem malavać kropki z centralnaj (samaj vialikaj). Robim heta paśladoŭna na abodvuch vačach, paraŭnoŭvajučy paśla kožnaj novaj kropki, kab ich kolkaść była adnolkavaj, a raźmiaščeńnie — simietryčnym. Možna taksama dadać chvościk atrymanaj strełcy (taksama, viadoma, z kropak). Darečy, takija hrafičnyja makijažy dobra hladziacca ź nienafarbavanymi holeńkimi viejkami.
Nie atrymlivajucca roŭnyja strełki? Rabicie chvalistyja! Tonkaja dryhotkaja linija sapsuje hrafičny makijaž, ale moža vyhladać całkam paetyčna, kali tak i było zadumana.
Ja spačatku namalavała tłustuju siarebranuju pałasu na ŭsio pavieka, a da jaje dadała kontur, ale hety etap možna prapuścić, kali chočacie atrymać trochi bolš niejtralny vynik. Biarom našu padvodku, zdymajem z pendźla liški i karotkimi vyhnutymi ryskami, jakija zachodziać adna na adnu, abvodzim ruchomaje pavieka, nie zabyvajučy i pra linii rostu viejek. Kali zamiest čornaj padvodki ŭziać, naprykład, vadkuju pamadu pastelnaha adcieńnia, atrymajecca vielmi piaščotna i naturalna! Akramia taho, možna pahulać z formaj, zrabić jaje zavostranaj, jak na fota, abo akruhlić kraj, paŭtarajučy liniju składki pavieka. Tak ci inakš, heta kłasny varyjant dla tych, chto pakul adčuvaje siabie ŭ makijaž niaŭpeŭniena, ale chacieŭ by raznastaić jaho.
Tak, viadoma, technična heta nie makijaž adnoj tolki padvodkaj, vam spatrebiacca jašče i cieni, ale možna ŭziać absalutna lubyja, kremavyja ci suchija, i nanosić choć palcam, abydziemsia biez pendźlaŭ (choć u vypadku z suchimi nie pieraškodzić prajmier ci chacia b prypudrany kansiler ). I vynik hetaha varta! Nanosim cieni na vierchniaje i nižniaje pavieka, akuratnaść u dadzienym vypadku asablivaj roli nie hraje. Zatym biarom padvodku i dotar (abo tonieńki žorstki pendzal) i pačynajem lohka, ale ŭpeŭniena napłastoŭvać drobnyja kropki, imknučysia damahčysia pastupovaha pierachodu ad ciomnaha da śvietłaha. Kali vypadkova mazanuli nie tudy, dačakajciesia, pakul padvodka całkam vysachnie i suchoj vatnaj pałačkaj akuratna ściarycie jaje (taki ž pryjom pracuje z tuššu). Atrymajecca sapraŭdny fiejervierk, jaki da taho ž padydzie luboj formie vačej!
Nu, a raz užo my rasčachlili cieni, davajcie zrobim jašče adzin mejk ź ich dapamohaj. Heta varyjant «dla čajnikaŭ» i, jak i ŭsie inšyja makijažy z našaj padborki, vydatna transfarmujecca i dapaŭniajecca biez straty ŭ jakaści i pryhažości. Cieni, viadoma, možna ŭziać luboha koleru i tekstury, jarkija, bliskučyja abo naturalnaha adcieńnia, toje ž tyčycca i samoj padvodki. Strełka moža być tonkaj abo toŭstaj, z padvojnym chvościkam abo dadatkovaj linijaj u składcy pavieka, jak tut.
Ekśpierymientujcie i ničoha nie bojciesia — heta ŭsiaho tolki makijaž, jon pavinien prynosić zadavalnieńnie!
Takim čynam, nanosim na pavieka bazu dla cieniaŭ, malujem tonkim pendźlem abo navat vatnaj pałačkaj padvojnuju strełku (kali ź pieršaha razu nie atrymajecca, možna zapoŭnić ruchomaje pavieka całkam), źlohku rastušoŭvajem. Zatym biarom našu padvodku i (znoŭ ža, hledziačy ŭ lusterka źvierchu ŭniz) dublujem joju cieniavuju strełku. Padfarboŭvajem viejki — i napierad, upryhožvać śviet!
Bolš idej dla niezvyčajnych makijažaŭ šukajcie tut.
U Biełarusi nazirajucca prablemy ź internetam. Voś što pišuć pra heta ludzi2
Kamientary