Pra heta Alaksandr Łukašenka zajaviŭ siońnia na naradzie pa pytańniach adukacyi, paviedamlaje pres-słužba kiraŭnika krainy.
Kiraŭnik krainy zajaviŭ, što jamu davodzicca kožny dzień sutykacca sa školnymi prahramami, tamu jon bačyć usie niedachopy:
«Padobna na toje, matematykaŭ adnych tolki rychtujem. Davajcie havaryć ščyra, nie chaču być retrahradam: nam, napeŭna, mienš za ŭsio treba ŭ krainie matematykaŭ.
Paniaćci ŭ matematycy (u školnikaŭ) pavinny być, bo my ŭ žyćci zaŭsiody sutykajemsia z matematykaj. Ale ŭ vialikich matematykach patreba mienš za ŭsio, — kanstatavaŭ jon.
Akramia taho, pierakanany Alaksandr Łukašenka, vialikich matematykaŭ šmat być u pryncypie nie moža. Heta, na jaho dumku, redkaść.
— A my pad hetuju redkaść pačynajem kasić. U škole matematyku pačynajem vykładać tak, što adpužvajem dziaciej ad hetaj matematyki, ad vučoby, — zaŭvažyŭ jon. — Ja nie chaču, kab matematyki pakryŭdzilisia na maje razvahi, ja ničoha drennaha pra ich nie skazaŭ. Ale jašče raz paŭtaraju: matematyk — heta redkaść. Davajcie rychtavać matematykaŭ dzieści na fakultatyvie, ale ŭ asnoŭnym u VNU. A my pačynajem univiersiteckija prahramy pierakidvać ŭ škołu. Navošta vy heta robicie?
Na dumku Łukašenki, jość i inšyja pradmiety, prahramy pa jakich vybudavanyja niapravilna. U jakaści prykładu jon nazvaŭ bijałohiju. Niadaŭna ja pahladzieŭ, jak u vośmym kłasie vyvučajuć bijałohiju: słuchajcie, pałova kursa — čarviaki!
Budova, žyćciadziejnaść i što treba zrabić čarviaku, kab jon byŭ parazitam. Nu, adkažycie mnie na hetaje pytańnie. Dobra, dla prasunutych chaj budzie. Tak, treba viedać pra hetu istotu, ale navošta jaho skrupulozna vyvučać? — spytaŭ jon. — Kali ty budučy bijołah, kali bijałohiju uziaŭ za asnovu, tak, heta treba. Ale kolki takich u nas? Voś u čym prablema.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary