U sacyjalnych sietkach źjaviŭsia zaklik da ŭsich rasijan adyhskaj nacyjanalnaści nazvacca čarkiesami padčas pierapisu nasielnictva Rasii, jaki zapłanavany na 2020 hod. Post źjaviŭsia na staroncy Zaura Batyšava z Respubliki Adyhieja ŭ Facebook. Uvahu na jaho źviarnuŭ «Kavkaz.Riealii».
U svaim zvarocie Batyšaŭ zhadaŭ, što «ŭ śpisie narodaŭ Rasii niama takoj nazvy, jak adyh abo adyhe (jość tolki adyhiejec, kabardziniec, čarkies i šapsuh)», i vykazaŭ mierkavańnie, što ludziam budzie metazhodna nazvać siabie čarkiesami. «Našych vialikich prodkaŭ jak i ŭvieś naš narod nazyvali čarkiesami, a krainu Čarkiesija, u suśvietnuju historyju my ŭvajšli pad imiem čarkies, dyjasparu našych bratoŭ, što žyvuć za miežami radzimy, taksama zavuć čarkiesy. Ci nie lepš nam, usim adyham, abjadnacca adnoj nazvaj», — dadaŭ jon.
Čarkiesy ŭ Rasii pražyvajuć pieravažna ŭ Karačajeva-Čarkiesii, a taksama ŭ Krasnadarskim i Staŭrapolskim krajach, Adyhiei, Kabardzina-Bałkaryi. Pa sutnaści heta adzin narod, padzieleny ŭ savieckija časy, i jon prosta isnuje pad roznymi nazvami: adyhiejcy, kabardzincy, čarkiesy i šapsuhi.
Kamientary