«Vas ža nie bili, ruki nie zaciskali» — kiraŭnik SK raskazaŭ, što dumaje pra «spravu BiełTA»
Redaktar Tut.by Uljana Babajed, jakaja prachodziła ŭ «spravie BiełTA», skazała kiraŭniku SK Ivanu Naskieviču, što suprać jaje patrabavali pakazańniaŭ suprać hałoŭnaha redaktara partała Maryny Zołatavaj.
«Kali pra heta kaža nie adzin čałaviek, a try-čatyry-piać, usio ž taki musić być niejkaja pravierka ci reakcyja ad SK», — zaznačyła Babajed.
«Ja nie razumieju, čamu ciapier usie zvodziać hetuju situacyju da Maryny Zołatavaj, usie astatnija ŭžo nie pry spravach, i čamuści praz paŭhoda paśla taho, što adbyłosia, aktyŭna stali kazać, što ad ich patrabavali pakazańniaŭ suprać Maryny Zołatavaj. Pieršyja tydni, miesiacy nichto pra heta nie kazaŭ. Skaardynavana pra heta stali kazać, kali Maryna Zołatava apynułasia ŭ sudzie», — adkazaŭ Naskievič.
Jon adznačyŭ, što śledčyja chacieli vyśvietlić rolu Zołatavaj «u hetaj usioj dziejnaści», bo jana była adzinaj słužbovaj asobaj, jakaja prachodziła ŭ spravie. «Vas ža nie bili, ruki vam nie zaciskali», — skazaŭ Naskievič.
«Ja za rašeńnie suda [prakuror zapatrabavaŭ prysudzić Marynu Zołatavu da štrafu 25500 rubloŭ — 1000 bazavych] nie ŭ adkazie. Što tyčycca samoj taktyki praviadzieńnia pieršapačatkovych dziejańniaŭ: vy ŭsie darosłyja ludzi, z vopytam, vydatna viedajecie, što, kali b pieršapačatkovyja mierapryjemstvy pravodzilisia pa-inšamu, biez kanfiskacyi nieabchodnaj dakumientacyi i asabliva ŭsich techničnych srodkaŭ, tam na druhi dzień nie było b čaho rabić z hetaj spravaj, prosta nie-by-ło».
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary