Na treci dzień vajskovaj apieracyi «Lity śviniec», nakiravanaj suprać šerahu naziemnych abjektaŭ isłamisckaj hrupoŭki «Chamas», udar, užo druhi, atrymaŭ i izrailski bok. Hetym razam u horadzie Aškiełon. U paŭdniovaj častcy horadu — najbližejšaj da pałasy Hazy — pačulisia huki supraćpavietranaj sireny, i nieŭzabavie ziamlu skałanuli kolki vybuchaŭ. Adna z rakietaŭ, vypuščanaja z ustanoŭki «Hrad», trapiŭšy ŭ budaŭničy abjekt, paraniła 17 budaŭnikoŭ i adnaho zabiła. U druhoj častcy horadu rakieta pavaliłasia pasiarod žyłoha rajonu, pobač z handlovym centram. Ale pakolki jana trapiła ŭ kronu dreva, vybuch nie prynios škody.
Dniom raniej jašče adna palestynskaja rakieta, paceliŭšy ŭ žyły dom u horadzie Netyvot, zabiła adnaho dy paraniła čatyroch izrailcaŭ.
Tym časam u pałasie Hazy siońnia nočču izrailskija vajskova-pavietranyja siły praciahvali svaje ataki: byŭ zrujnavany susiedni dom, z domam Ismaiła Hanii, hałavy ŭradu “Chamasu” Ismaiła Hanii.
Kamientary