Deputaty 2 krasavika ŭ pieršym čytańni pryniali źmieny ŭ Zakon «Ab achovie pracy». Płanujecca, što miedahlady pry pryjomie na pracu budzie apłačvać najmalnik, paviedamlaje Tut.by.
Pradstaŭlała dakumient u parłamiencie ministr pracy i sacyjalnaj abarony Iryna Kaścievič.
— Heta abaviazak pracadaŭcy zabiaśpiečvać apłatu prachodžańnia miedycynskich ahladaŭ, ale pa realizacyi normy byŭ šerah pytańniaŭ, tamu dakładna my jaje prapisvajem, — patłumačyła ministr.
Tak, paśla taho jak źmieny ŭstupiać u siłu, pracadaŭca budzie nieści vydatki nie tolki pa miedahlad svaich supracoŭnikaŭ, ale i ŭ tym vypadku, kali čałavieka tolki prymajuć na pracu.
— Z čaho my zychodzili? Da taho jak čałaviek idzie prachodzić miedahlad, jon užo prajšoŭ sumoŭje ŭ pracadaŭcy, heta značyć jon zdaŭ ekzamien, pracadaŭca daŭ dabro na pryjom na pracu, — kaža Iryna Kaścievič. — Tamu my ŭskładajem na pracadaŭcu hety abaviazak — niasieńnie vydatkaŭ na miedycynskija ahlady.
Akramia taho, zakonaprajekt zamacoŭvaje normu ab pracy mabilnych hrup, jakija pravodziać manitorynh vykanańnia zakanadaŭstva ab achovie pracy. Taksama ŭ zakonie źjaviacca 2 novyja artykuły — pa achovie pracy rabotnikaŭ-nadomnikaŭ i chatnich rabotnikaŭ. Jak patłumačyła ministr, havorka ŭ artykułach idzie pra toje, što pracadaŭca pavinien pravieści instruktaž pa achovie pracy i zabiaśpiečyć strachavańnie ad niaščasnych vypadkaŭ na vytvorčaści.
Zakonaprajekt pryniaty ŭ pieršym čytańni, pierad ustupleńniem u siłu jon pavinien prajści druhoje čytańnie, uzhadnieńnie ŭ Saviecie Respubliki i padpisańnie ŭ prezidenta.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary