Дэпутаты 2 красавіка ў першым чытанні прынялі змены ў Закон «Аб ахове працы». Плануецца, што медагляды пры прыёме на працу будзе аплачваць наймальнік, паведамляе Tut.by.
Прадстаўляла дакумент у парламенце міністр працы і сацыяльнай абароны Ірына Касцевіч.
— Гэта абавязак працадаўцы забяспечваць аплату праходжання медыцынскіх аглядаў, але па рэалізацыі нормы быў шэраг пытанняў, таму дакладна мы яе прапісваем, — патлумачыла міністр.
Так, пасля таго як змены ўступяць у сілу, працадаўца будзе несці выдаткі не толькі па медагляд сваіх супрацоўнікаў, але і ў тым выпадку, калі чалавека толькі прымаюць на працу.
— З чаго мы зыходзілі? Да таго як чалавек ідзе праходзіць медагляд, ён ужо прайшоў сумоўе ў працадаўцы, гэта значыць ён здаў экзамен, працадаўца даў дабро на прыём на працу, — кажа Ірына Касцевіч. — Таму мы ўскладаем на працадаўцу гэты абавязак — нясенне выдаткаў на медыцынскія агляды.
Акрамя таго, законапраект замацоўвае норму аб працы мабільных груп, якія праводзяць маніторынг выканання заканадаўства аб ахове працы. Таксама ў законе з'явяцца 2 новыя артыкулы — па ахове працы работнікаў-надомнікаў і хатніх работнікаў. Як патлумачыла міністр, гаворка ў артыкулах ідзе пра тое, што працадаўца павінен правесці інструктаж па ахове працы і забяспечыць страхаванне ад няшчасных выпадкаў на вытворчасці.
Законапраект прыняты ў першым чытанні, перад уступленнем у сілу ён павінен прайсці другое чытанне, узгадненне ў Савеце Рэспублікі і падпісанне ў прэзідэнта.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары