Źjavilisia FOTA i VIDEA ŭnikalnaha šlema, znojdzienaha ŭ Babrujsku. I pytańni, ci nie fejk heta
Šlem, znojdzieny na bierazie Biareziny ŭ porcie Babrujska, budzie pieradadzieny ŭ haradski muziej, paviedamiŭ dyrektar muzieja historyi Mahilova Alaksiej Baciukoŭ.
Voś videa sa šlemam i ludźmi, jakija jaho znajšli:
«Heta ŭnikalny, pazałočany kniaski šałom kanca X stahodździa. Heta siensacyja», — kaža doktar histaryčnych navuk, archieołah Ihar Marzaluk.
Vizualna šlem nahadvaje tak zvanyja «čarnihaŭskija šlemy» Ch—CHIII st. Kali ekśpiertyza paćvierdzić datavańnie, to heta budzie pieršaja takaja znachodka ŭ Biełarusi. Usiaho ŭ śviecie było znojdziena tolki dziasiatak takich šlemaŭ. Pryčym babrujski vyhladaje najlepš, prosta idealna zachavanym.
Šlem znojdzieny dziakujučy babrujskamu žurnalistu i entuzijastu Mikałaju Siłkovu.
Znojdzieny pazałočany šlem moža stać adnym ź simvałaŭ biełaruskaj staražytnaści.
Praŭda, niekatoryja archieołahi sumniajucca, što heta praŭdzivy šlem, a nie rekanstrukcyja, jakaja pralažała ŭ vadzie niekalki hadoŭ.
«Nas mocna «nahreli» z «Pojasam Vitaŭta», — piša ŭ fejsbuku historyk Siarhiej Tarasaŭ, — sprabavali z «Karalami Aŭfrasińni». Anałahičnaja, praŭda dyletanckaja sproba — połacki padvodny stod. Kupilisia mnohija. Usio vyšej pieraličanaje — padman! I hety šałom — što ź nieržaviejki zrobleny? Prosta ŭ vadzie lažaŭ amal 700 hadoŭ? Hady 2—3 patrymali zvyčajny navarob. Chopić z nas «pajasoŭ». I niejkich «ekskavatarščykaŭ», jak z «pojasam Vitaŭta», — piša Tarasaŭ.
Ekśpiertyza pakaža, chto maje racyju.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»36
Kamientary