Indyvidualny pradprymalnik prysudžany da čatyroch hadoŭ pazbaŭleńnia voli z adbyvańniem u kałonii ŭzmocnienaha režymu z kanfiskacyjaj majomaści za machlarstva ŭ asabliva bujnym pamiery, paviedamlaje BiełTA.
Abvinavačany, žychar Šarkaŭščynskaha rajona, z 10 kastryčnika 2013 hoda pa 31 śniežnia 2014 hoda pad padstavaj vyrabu, prodažu i ŭstanoŭki mebli, raźvićcia biźniesu, źviazanaha z vyrabam mebli, zavałodaŭ 35 383 rublami. Padmanutymi apynulisia 22 žychary Vierchniadźvinskaha, Hłybockaha, Lepielskaha, Miorskaha, Pastaŭskaha, Ušackaha, Šarkaŭščynskaha i Šumilinskaha rajonaŭ. Pry hetym mužčyna pieršapačatkova nie mieŭ namier vykonvać uziatyja na siabie abaviazki. Čužyja hrošy ŭziaŭ sabie.
Praź niekatory čas, žyvučy ŭžo na terytoryi Minskaha rajona, praciahnuŭ zajmacca złačynnaj dziejnaściu. Z 30 kastryčnika 2016 hoda pa 29 lipienia 2018 hoda pa raniejšaj schiemie jon prysabiečyŭ 6 895 rubloŭ dziesiaci žycharoŭ Lepielskaha i Čašnickaha rajonaŭ, Minska.
U sudovym pasiadžeńni abvinavačany svaju vinu ŭ machlarstvie nie pryznaŭ, pry hetym nie admaŭlaŭ najaŭnaści dahavornych adnosin z paciarpiełymi.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić13
Kamientary