Švedzkaje intelektualnaje kino ź biełaruskimi subtytrami.
Švedzkaje intelektualnaje kino ź biełaruskimi subtytrami.
Respublikanski pałac kultury veteranaŭ (Janki Kupały, 21). Pačatak a 19-j hadzinie. Uvachod volny.
«Nož u serca» – heta sučasnaja muzyčnaja drama pra kachańnie, siabroŭstva i vialikija mary. Hałoŭnyja hieroi filmu – dzieviać maładych ludziej, jakija znachodziacca na šlachu ŭ darosłaje žyćcio. Jany pachodziać z roznych krainaŭ śvietu i majuć za plačyma roznyja historyi i žyćciovy dośvied. Toje, što ich abjadnoŭvaje, – heta ŭmovy žyćcia ŭ pryharadzie. Pasiarod betonu Berhšanu, haradzkoha rajonu na ŭskrajku Hioteborhu, razyhryvajecca drama luboŭnaha trochkutnika pamiž marakancam Amiram, jaho lepšym siabram Chuanam z Čyli i pryhažuniaj z Kurdystanu Sabinaj. Amir i Chuan paklalisia ŭ viernaści adzin adnamu i pieściać adnolkavuju nadzieju: dabicca pavahi i značnaha pałažeńnia ŭ tym śviecie, jaki im viadomy. U śviecie, što niasie na sabie adbitak hvałtu i złačynnaści, ale adnačasova z tym – radaści i braterstva.
Roli vykonvajuć zvyčajnyja haradzkija padletki. Padčas zdymak filmu aktory-amatary prajšli intensiŭnyja kursy aktorskaha majsterstva, tancaŭ i śpievaŭ.
Muzyka maje tut vialikuju rolu. Aktory tančać i śpiavajuć sami pad melodyi, napisanyja cikavymi švedzkimi kampazytarami-piesieńnikami.
«Nož u serca» – režyserskaja praca Ahniety Fahierstram-Ulsan, jakaja taksama vystupaje suaŭtarkaj scenara razam z Peteram Biru. Heta treciaja i zaklučnaja častka ich trylohii pra Novuju Eŭropu, prajektu, nad jakim hety tvorčy duet pracavaŭ vosiem hadoŭ.
U 2005 hodzie na starejšym i samym prestyžnym u śviecie televizijnym konkursie Prix Italia žury adzinadušna pryznała «Nož u serca» lepšym šmatseryjnym filmam. Karcinu nazvali «mocnaj pračułaj i nievierahodna zachaplalnaj».
Kvitki možna atrymać u Respublikanskim pałacy kultury veteranaŭ (Janki Kupały, 21), a taksama ŭ adździaleńni pasolstva Švecyi (Muzyčny zavułak, 1/2).
Film demanstrujecca na movie aryhinału ź biełaruskimi subtytrami.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary