Na sieradu Nacyjanalny bank ustanaviŭ kurs jeŭra na ŭzroŭni 3 451 rubiel 44 kapiejki. Adnak na biržavych tarhach pa-raniejšamu nazirajecca vializnaje pieravyšeńnie popytu na valutu nad prapanovaj.
Nacbank Biełarusi ŭstanaviŭ na sieradu, 21 studzienia, nastupnyja kursy aficyjnych valut.
Dalar ZŠA (2 665 rubloŭ, byŭ na aŭtorak na ŭzroŭni - 2 655 rubloŭ),
jeŭra - 3 451 rubiel 44 kapiejki (byŭ na aŭtorak 3 526, 27),
rasijski rubiel — 79,75 (byŭ 80,68).
Takim čynam za try tydni, što prajšli ad Novaha hodu, aficyjny kurs jeŭra ŭ Biełarusi źniziŭsia na 251 rubiel 56 kapiejek, ci na 6,8% (paśla devalvacyi, na 2 studzienia kurs adzinaj jeŭrapiejskaj valuty byŭ ustanoŭleny na ŭzroŭni 3 703 rubli).
Dalar za try tydni padaražaŭ na 15 rubloŭ.
Na 11 rubloŭ za try tydni patańnieŭ rasijski rubiel (z 90 rubloŭ 16 kapiejek). U Rasii nahadajem idzie płaŭnaja devalvacyja rubla. Centrabank Rasii na sieradu abviaściŭ aficyjny kurs dalara na ŭzroŭni 33 rasijskich rubloŭ 42 kapiejek.
Nieŭzabavie rasijski rubiel u Biełarusi moža viarnucca na danavahodnija pazicyi (76,89).
Što da kursaŭ valut u abmiennych punktach stalicy, to zdać dalar možna pa canie 2620 —2 660 rubloŭ, nabyć 2 675 — 2705 rubloŭ.
Jeŭra, kali pašencić, možna zdać pa kursie 3 500 (a tak 3 420 —3 460), nabyć pa kursie 3500 — 3 595.
Adnak na biržavych tarhach pa-raniejšamu nazirajecca vializnaje pieravyšeńnie popytu na valutu nad prapanovaj: u aŭtorak popyt na dalary na BVFB iznoŭ na 35 miljonaŭ pieravyšaŭ prapanovu.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary