Łukašenka padaryŭ Si Czińpinu da dnia naradžeńnia bronzavaha busła i košyk praduktaŭ z Aleksandryi FOTA
Alaksandr Łukašenka padaryŭ Staršyni Kitajskaj Narodnaj Respubliki Si Czińpinu bronzavuju skulpturu busła i košyk praduktaŭ sa svajoj małoj radzimy z ahraharadka Aleksandryja, paviedamlaje BIEŁTA.
Alaksandr Łukašenka i Si Czińpin sustrelisia ŭ Biškieku na palach samitu Šanchajskaj arhanizacyi supracoŭnictva. Padčas sustrečy jany abmiarkoŭvali nie tolki pytańni aficyjnaj paviestki dnia, ale i abmianialisia padarunkami. Była i śviatočnaja nahoda: 15 červienia Si Czińpin adznačyŭ dzień naradžeńnia.
U jakaści padarunkaŭ kiraŭnik biełaruskaj dziaržavy ŭručyŭ Staršyni KNR bronzavuju skulpturu busła. Busieł časta fihuruje jak u biełaruskim, tak i kitajskim mastactvie, źjaŭlajecca simvałam mudraści i daŭhalećcia, pradvieśnikam ščaścia i dabrabytu. Busieł ličycca ducham-zastupnikam doma, prynosić jaho nasielnikam zhodu i roskvit. Vobraz busła ŭvasablaje taksama pažadańnie miru i harmonii. Jašče adnym padarunkam staŭ košyk ź biełaruskimi praduktami, jakija vyrableny na radzimie Łukašenki ŭ Aleksandryi.
Sustreča Alaksandra Łukašenki i Si Czińpina padkreśliła asablivy charaktar supracoŭnictva Biełarusi i Kitaja, a taksama adnosin, jakija skłalisia pamiž lidarami krain.
Chto vinšavaŭ aryhinalniej: Pucin padaryŭ Si Czińpinu ceły kufar maroziva z Rasii i tort FOTA
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary