Лукашэнка падарыў Сі Цзіньпіну да дня нараджэння бронзавага бусла і кошык прадуктаў з Александрыі ФОТА
Аляксандр Лукашэнка падарыў Старшыні Кітайскай Народнай Рэспублікі Сі Цзіньпіну бронзавую скульптуру бусла і кошык прадуктаў са сваёй малой радзімы з аграгарадка Александрыя, паведамляе БЕЛТА.
Аляксандр Лукашэнка і Сі Цзіньпін сустрэліся ў Бішкеку на палях саміту Шанхайскай арганізацыі супрацоўніцтва. Падчас сустрэчы яны абмяркоўвалі не толькі пытанні афіцыйнай павесткі дня, але і абмяняліся падарункамі. Была і святочная нагода: 15 чэрвеня Сі Цзіньпін адзначыў дзень нараджэння.
У якасці падарункаў кіраўнік беларускай дзяржавы ўручыў Старшыні КНР бронзавую скульптуру бусла. Бусел часта фігуруе як у беларускім, так і кітайскім мастацтве, з'яўляецца сімвалам мудрасці і даўгалецця, прадвеснікам шчасця і дабрабыту. Бусел лічыцца духам-заступнікам дома, прыносіць яго насельнікам згоду і росквіт. Вобраз бусла ўвасабляе таксама пажаданне міру і гармоніі. Яшчэ адным падарункам стаў кошык з беларускімі прадуктамі, якiя выраблены на радзіме Лукашэнкі ў Александрыі.
Сустрэча Аляксандра Лукашэнкі і Сі Цзіньпіна падкрэсліла асаблівы характар супрацоўніцтва Беларусі і Кітая, а таксама адносін, якія склаліся паміж лідарамі краін.
Хто віншаваў арыгінальней: Пуцін падарыў Сі Цзіньпіну цэлы куфар марозіва з Расіі і торт ФОТА
Цяпер чытаюць
Вось хто той хлопец, які паехаў на праполку бульбы і стаў героем сацсетак5
Каментары