U Biełarusi pavialičvajecca kolkaść žančyn, jakija naradžajuć paśla 35 hadoŭ, paviedamiŭ hałoŭny akušer‑hiniekołah Ministerstva achovy zdaroŭja Biełarusi Alaksandr Barsukoŭ.
«Ciapier, — skazaŭ A.Barsukoŭ, — žančyny imknucca realizavać svoj patencyjał u karjery, nabyć hramadski status. Dla hetaha patrebny čas. Takim čynam, sučasnyja žančyny naradžajuć trochi paźniej, čym pradstaŭnicy minułych pakaleńniaŭ».
Adznačyŭšy stanoŭčy sacyjalny aśpiekt źjaŭleńnia dziaciej u stałych žančyn, Alaksandr Barsukoŭ skazaŭ, što «z uzrostam uźnikaje prablema začaćcia dziciaci ŭ suviazi sa źmianšeńniem z kožnym hodam kolkaści jajcakletak u žančyn».
Taksama hałoŭny akušer‑hiniekołah paviedamiŭ, što ŭ maci paśla 35 hadoŭ pavialičvajecca ryzyka naradžeńnia dziciaci z hienietyčnymi chvarobami, da prykładu, sindromam Daŭna.
«Tamu, –– padkreśliŭ A.Barsukoŭ, –– žančynam paśla 35 hadoŭ, jakija žadajuć stać maci, pakazana abśledavańnie da i padčas ciažarnaści na hany raźvićcia płoda».
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju23
Kamientary