Aršavin padpisaŭ kantrakt z łondanskim «Arsienałam» na 3,5 hady. Suma skłała 24 miljony dalaraŭ ZŠA.
27‑hadovy forvard «Zienita» Andrej Aršavin padpisaŭ kantrakt z zamiežnym kłubam — łondanskim «Arsienałam» da 2012 hodu.
Suma ździełki skłała 16,5 młn funtaŭ (24 młn dalaraŭ), paviedamlaje Sport‑Ekspriess.
Razmovy pra sychod Aršavina ŭ zamiežny kłub uźnikli jašče padčas čempijanatu Jeŭropy pa futbole, u červieni 2008 h. Adnak pieramovy skončylisia ni čym. «Zienit» patrabavaŭ, naprykład, ad «Barsiełony» zanadta vialikuju sumu.
I ciapier picierski kłub nastojvaŭ na sumie 20 młn funtaŭ, «Arsienał» kazaŭ pra 12 młn. Urešcie syšlisia ledź nie na siarednim aryfmietyčnym — 16,5 młn funtaŭ (24 młn dalaraŭ).
«Arsienał» pavinien byŭ hulać siońnia ŭ matčy Kubka Anhlii suprać «Kardyfa», ale praz mahutny śniehapad, što abrynuŭsia na Łondan, sustreča pieranasiena na 16 lutaha, paviedamlaje aficyjny sajt kłuba.
Mahčyma, što jon vyjdzie na pole ŭžo 8 lutaha, kali adbudziecca paŭnočnałondanskaje derbi.
«Arsienał» zavitaje na «Uajt Chart Łejn» da «Totenchema». Za šporaŭ vystupaje - i vielmi paśpiachova, 12 miačoŭ užo na razunku - partnior pa zbornaj Raman Paŭlučenka.
Darečy ŭ «Totenchiem» viarnuŭsia ŭčora forvard zbornaj Irłandyi Robi Kin, jaki niekalki miesiacaŭ pravioŭ u «Livierpuli», ale tak i nie zdabyŭ davieru treniera Rafaela Bienitesa.
Ciapier čytajuć
Marata Markava pierasunuli z pasady ministra infarmacyi ŭ ministry kultury29
Kamientary