Аршавін падпісаў кантракт з лонданскім «Арсеналам» на 3,5 гады. Сума склала 24 мільёны даляраў ЗША.
27‑гадовы форвард «Зеніта» Андрэй Аршавін падпісаў кантракт з замежным клубам — лонданскім «Арсеналам» да 2012 году.
Сума здзелкі склала 16,5 млн фунтаў (24 млн даляраў), паведамляе Спорт‑Экспресс.
Размовы пра сыход Аршавіна ў замежны клуб узніклі яшчэ падчас чэмпіянату Еўропы па футболе, у чэрвені 2008 г. Аднак перамовы скончыліся ні чым. «Зеніт» патрабаваў, напрыклад, ад «Барселоны» занадта вялікую суму.
І цяпер піцерскі клуб настойваў на суме 20 млн фунтаў, «Арсенал» казаў пра 12 млн. Урэшце сышліся ледзь не на сярэднім арыфметычным — 16,5 млн фунтаў (24 млн даляраў).
«Арсенал» павінен быў гуляць сёння ў матчы Кубка Англіі супраць «Кардыфа», але праз магутны снегапад, што абрынуўся на Лондан, сустрэча перанасена на 16 лютага, паведамляе афіцыйны сайт клуба.
Магчыма, што ён выйдзе на поле ўжо 8 лютага, калі адбудзецца паўночналонданскае дэрбі.
«Арсенал» завітае на «Уайт Харт Лэйн» да «Тотэнхэма». За шпораў выступае - і вельмі паспяхова, 12 мячоў ужо на разунку - партнёр па зборнай Раман Паўлючэнка.
Дарэчы ў «Тотэнхем» вярнуўся ўчора форвард зборнай Ірландыі Робі Кін, які некалькі месяцаў правёў у «Ліверпулі», але так і не здабыў даверу трэнера Рафаэля Бенітэса.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары