Sankcyi z-za spravy Skrypaloŭ: ZŠA paprosiać mižnarodnyja arhanizacyi nie davać Rasii kredytaŭ
Dziarždepartament ZŠA aficyjna abviaściŭ ab uviadzieńni druhoha pakieta sankcyj suprać Rasiei z-za spravy Skrypaloŭ. Jany nabuduć moc paśla 17 žniŭnia i buduć dziejničać jak minimum hod, paviedamlaje bbc.com.
U miežach novaha pakieta sankcyj Vašynhton budzie vystupać suprać vydačy luboha kredytu, finansavaj abo techničnaj dapamohi Rasii z boku mižnarodnych finansavych arhanizacyj, takich jak Suśvietny bank i Mižnarodny valutny fond.
Akramia taho, sankcyi praduhledžvajuć zabaronu amierykanskim bankam ŭdzielničać u pieršasnym prodažy rasiejskaj suvierennaj pazyki nie ŭ rublach i vydavać nierublevyje pazyki rasiejskim uładam.
ZŠA taksama ŭvodziać dadatkovyja ekspartnyja abmiežavańni dla materyjałaŭ, jakija mohuć padpadać pad pałažeńnie ab nieraspaŭsiudžvańni chimičnaj i bijałahičnaj zbroi.
U vyniku novych sankcyj handlovyja suviazi Rasii i ZŠA mohuć skaracicca na miljardy dalaraŭ.
Jak adznačyła ŭ svaim «Tvitery» pres-sakratar dziaržaŭnaha departamienta Morhan Artahus, uviadzieńnie novych sankcyj abumoŭlena tym, što Rasija «nie ŭziała na siabie adkaznaść [za atručvańnie Skrypaloŭ] i nie admoviłasia ad vykarystańnia chimičnaj zbroi».
Novy pakiet sankcyj moža być admienieny pry ŭmovie taho, što Rasija pad kantrolem inśpiektaraŭ harantuje admovu ad vykarystańnia chimičnaj zbroi i pahodzicca vypłacić kampiensacyi paciarpiełym ad atručvańnia.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary