Śćviardžajuć, što žonka ministra abarony Ukrainy nabyła jachtu za 26 miljonaŭ jeŭra.
Infarmacyja pra nibyta nabyćcio žonkaj ministra abarony Ukrainy Michaiła Fiodarava darahoj jachty źjaviłasia ŭ rasijskich ŚMI 1 maja. Paźniej jaje stali masava raspaŭsiudžvać inšyja miedyja, źviazanyja z Rasijaj. Siarod ich akazalisia i kanały, źviazanyja ź Ministerstvam abarony Biełarusi.
U publikacyjach śćviardžałasia, što Anastasija Fiodarava nibyta nabyła na Francuzskaj Ryŭjery 50‑mietrovuju jachtu Tankoa S501 Vertige koštam kala 26 miljonaŭ jeŭra. U jakaści «dokazu» niekatoryja resursy raspaŭsiudzili vyjavu siertyfikata rehistracyi sudna. Na im paznačana data — 8 krasavika 2026 hoda, a taksama śćviardžajecca, što Fiodarava vałodaje jachtaj napałovu z francuzskaj kampanijaj.
Asobna ŭ hetych paviedamleńniach padkreślivałasia, što ŭ Jeŭropie hučać aściarohi nakont mahčymych złoŭžyvańniaŭ srodkami — u tym liku kredytam u pamiery 90 miljardaŭ jeŭra, jaki ES moža vydzielić Ukrainie.
Adnak, jak vyśvietlili supracoŭniki Centra supraćdziejańnia dezynfarmacyi, imia Anastasii Fiodarava nie fihuruje ŭ aficyjnych rejestrach uładalnikaŭ hetaha sudna, a sapraŭdnyja dakumienty francuzskaha rehistra sudnaŭ majuć inšuju strukturu i vyhlad.
⚡️A fake story is circulating online claiming that the wife of Ukraine's Defence Minister Mykhailo Fedorov has allegedly purchased a Tankoa S501 Vertige superyacht worth $26 million. A photograph of a document purportedly confirming ownership is provided as ‘proof'. pic.twitter.com/HGAQ6REzvN
Raspaŭsiudžvańnie takich iłžyvych paviedamleńniaŭ — heta častka metanakiravanaj infarmacyjnaj kampanii. Jana nakiravanaja na dyskredytacyju Ukrainy i ŭkraincaŭ, raspalvańnie varožaści da ich i padryŭ padtrymki Ukrainy krainami ES.
Kanały, źviazanyja z uładami Biełarusi, jašče ni razu nie abviarhali apublikavanyja ŭ ich fejki. A za ich raspaŭsiud nichto nie panios adkaznaści, praduhledžanaj zakanadaŭstvam.
Admietna, što infarmacyja pra toje, što jachta Tankoa S501 Vertige zastajecca niepradadzienaj, visić na śpiecyjalizavanych sajtach, u tym liku ruyachts.com.
Ciapier čytajuć
Stali viadomyja padrabiaznaści pra trahiedyju ŭ Połackim manastyry9
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Karupcyja va Ŭkrainie isnuje, heta jaje bol, zmahańnie suprać jaje viadziecca niedastatkova efiektyŭna, i nichto hetaha nie admaŭlaje. Pra jaje adkryta pišuć taksama i ŭkrainskija niezaležnyja ŚMI, na što tamtejšaja ŭłada ŭ rešcie rešt reahuje i stan rečaŭ pastupova źmianiajecca, a ŚMI za heta nichto nie začyniaje, nie presuje žurnalistaŭ i nie pieraśleduje čytačoŭ aproč chiba što adnolkavych i vielmi nietypovych vypadakaŭ. Ale ab hetym biełaruskaja prapahanda imkniecca nie kazać. Jak i ab tym, što pamiery ŭkrainskaj karupcyi navat i blizka nie stajać pobač z tym, što adbyvajecca ŭ Rasiei. Nu a pra toje, jakoje sapraŭdnaje stanovišča z karupcyjaj sfarmavałasia ŭ Biełarusi za časy panavańnia Łukašenki - biełarusy paśla źmieny režymu abaviazkova daznajucca. I niešta mianie padajecca, što rasśledvańni Biełpołu, Biuro Miedyja i BRC na hetym fonie padaducca dziciačym sadkom.