U Aŭstryi praciahvajecca historyja sa źjaŭleńniem pacučynaj atruty ŭ dziciačym charčavańni. Zatrymali padazravanaha
U Aŭstryi zatrymali 39‑hadovaha mužčynu, jakoha padazrajuć u datyčnaści da hučnaj spravy z dadavańniem pacučynaj atruty ŭ słoički ź dziciačym charčavańniem brendu HiPP, piša Bi-bi-si.
Palicyja pakul nie raskryvaje padrabiaznaściaŭ pra asobu zatrymanaha i abstaviny apieracyi, kab nie pieraškodzić rasśledavańniu. Pavodle miascovych ŚMI, jaho mahli zatrymać u ziamli Zalcburh.
Sam incydent adbyŭsia ŭ fiederalnaj ziamli Burhienłand, dzie ŭ adnym sa słoičkaŭ aharodninnaha piure viadomaha brendu znajšli atrutnaje rečyva. Paśla hetaha z prodažu adklikali cełuju liniejku pradukcyi.
Usiaho ŭ troch krainach — Aŭstryi, Čechii i Słavakii — udałosia znajści i kanfiskavać piać źmienienych upakovak da taho, jak ich užyli. Adnak jašče adzin słoičak, jaki, vierahodna, znachodzicca ŭ Aŭstryi, dahetul nie znojdzieny.
Pavodle infarmacyi presy, u sakaviku kampanija atrymała elektronny list z patrabavańniem vypłacić 2 miljony jeŭra na praciahu šaści dzion. Ale paviedamleńnie zaŭvažyli tolki praz dva tydni paśla zakančeńnia hetaha terminu, bo jano pryjšło na paštovuju skryniu, jakoj redka karystalisia.
Kampanija paviedamiła, što supracoŭničaje sa śledstvam, ale nie raskryvaje detalaŭ šantažu.
Aŭstryjskija pravaachoŭniki apublikavali parady, jak raspaznać niebiaśpiečnuju pradukcyju. Rekamiendujecca źviartać uvahu na paškodžanyja abo adkrytyja nakryŭki, adsutnaść achoŭnaj płomby, niezvyčajny pach, a taksama biełuju nalepku z čyrvonym kruham na dnie słoička.
Baćkoŭ taksama papiaredzili: kali dzicia ŭžyvała hetuju pradukcyju i ŭ jaho źjavilisia kryvacioki, mocnaja słabaść abo blednaść, treba nieadkładna źviarnucca da doktara.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
[Zredahavana]