ZŠA chočuć raźmiaścić u Azii rakiety naziemnaha baziravańnia z dalokaściu palotu ad 500 da 5500 km, jakija raniej było zabaroniena razhortvać u adpaviednaści z Dahavoram ab likvidacyi rakiet siaredniaj i mienšaj dalokaści (DRSMD). Pra heta zajaviŭ novy ministar abarony Mark Esper, jaki ciapier znachodzicca ŭ Aŭstralii, piša radyjo «Svaboda».
U čas razmovy z žurnalistami Esper zajaviŭ pra važnaść raźmiaščeńnia takich rakiet u Inda-Cichaakijanskim rehijonie. ZŠA raniej nie mahli vyrablać i razhortvać hetaje ŭzbrajeńnie zhodna z umovami DRSMD, adnak u piatnicu Vašynhton vyjšaŭ z pahadnieńnia, patłumačyŭšy taki krok šmatlikimi parušeńniami dahavora z boku Rasiei.
«Pryjšoŭ čas vyzvalicca ad pahadnieńnia i atrymać mahčymaść pieraśledvać ułasnyja intaresy, i našy sajuźniki pa NATO padzialajuć hety punkt hledžańnia», — zajaviŭ Esper.
Jon admoviŭsia raskryvać padrabiaznaści i paviedamlać, dzie abo kali mohuć być razhornutyja rakiety, adnak kiraŭnik Pentahona vykazaŭ nadzieju, što raźmiaščeńnie pačniecca na praciahu bližejšych miesiacaŭ.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»2
Kamientary