U Japonii ad śpioki za tydzień zahinuli 57 čałaviek, 18 tysiač špitalizavanyja
57 čałaviek zahinuli ad śpioki ŭ Japonii ad 29 lipienia, paviedamlaje japonskaje vydańnie Mainichi sa spasyłkaj na zajavu japonskaha ŭradu. Kolkaść dastaŭlenych u balnicy za tydzień pavialičyłasia bolš čym utraja — da 18347 čałaviek, piša radyjo «Svaboda».
Z 18 347 čałaviek, dastaŭlenych u špitali, 729 mieli ciažkija symptomy, jakija patrabujuć lekavańnia ŭ stacyjanary bolš za try tydni, 6548 čałaviek mieli mienš surjoznyja prablemy. 54,3 % ad ahulnaj kolkaści špitalizavanych — ludzi va ŭzroście 65 hod i starejšyja.
U pieršaj pałovie leta ŭ Japonii było chałodna i daždžliva, a ź siaredziny lipienia temperatura pačała rezka padvyšacca. Ciapier słupki termometraŭ dachodziać da +39 hradusaŭ.
U minułym hodzie praz anamalnuju śpioku ŭ Japonii zahinuli bolš za 150 čałaviek, dziasiatkam tysiač spatrebiłasia dapamoha medykaŭ.
Hetym letam anamalnaja śpioka zakranuła nia tolki Japoniju — temperaturnyja rekordy byli pabityja i ŭ šerahu krainaŭ Eŭropy.
U toj čas jak u Biełarusi apošnimi dniami, naadvarot, było zafiksavanaje rezkaje pachaładańnie: naprykład, u Brahinie (Homielskaja vobłaść) byŭ pabity rekord choładu 75-hadovaj daŭniny — słupok termometra ŭ noč 5 žniŭnia apuściŭsia da + 2,9°S.
Kamientary