Ad Minska vyłučana vosiem kandydataŭ u Saviet Respubliki. Adpaviednaje rašeńnie Minharvykankam i Minharsaviet pryniali 1 kastryčnika.
Viadoma, što ŭ sienatary vyłučałasia dzieviać čałaviek. Adnak imia dziaviataha čałavieka, jakoha nie padtrymali padčas hałasavańnia, vyśvietlić tak i nie ŭdałosia.
Načalnica arhanizacyjna-kadravaj raboty Minharvykankama Iryna Januševič admoviłasia nazyvać imia kandydata.
«Jon padaŭ dakumienty, hetyja dakumienty nidzie nie afišavalisia. Napisaŭ zajavu na imia staršyni harsavieta: «Prašu razhledzieć maju kandydaturu». Kandydatura była vyniesienaja na pasiedžańnie, razhledžanaja. Jon skazaŭ: «Mnie byŭ pryncypova važny ŭdzieł u hetym mierapryjemstvie. Ja paŭdzielničaŭ, atrymaŭ zadavalnieńnie. Ja nie chaču, kab majo proźvišča niedzie abmiarkoŭvałasia». Heta asabistaje žadańnie čałavieka», — patłumačyła Iryna Januševič.
Kamientary