Łukašenka: Pryniaćcie dekłaracyi ab nieraźmiaščeńni RSMD stała b važnym krokam u źnižeńni napružanaści
Pryniaćcie dekłaracyi adkaznych krain ab nieraźmiaščeńni rakiet siaredniaha i mienšaj dalokaści ŭ Jeŭropie stała b važnym krokam u źnižeńni napružanaści. Pra heta Alaksandr Łukašenka zajaviŭ siońnia na samicie SND u Ašchabadzie, piša BiełTA.
Kiraŭnik dziaržavy adznačyŭ, što biełaruskim bokam była vyłučana inicyjatyva ab nieraźmiaščeńni rakiet siaredniaj i mienšaj dalokaści ŭ Jeŭropie. «Paśla spynieńnia dziejańnia adpaviednaha dahavora stanovicca vielmi vierahodnym źjaŭleńnie takich uzbrajeńniaŭ u jeŭrapiejskaj častcy kantynienta. A heta niepaźbiežna ciahnie za saboj pahrozu novaha vitka vajennaj kanfrantacyi», - ličyć Alaksandr Łukašenka.
Jon padkreśliŭ, što Biełaruś jak paŭnapraŭnaja ŭdzielnica dahavora nie vychodziła ź jaho i bolš nie maje namier heta rabić, kali nie budzie pahroz biaśpieki krainy.
Minsk prapanuje raspracavać dekłaracyju adkaznych krain ab nieraźmiaščeńni rakiet siaredniaj i mienšaj dalokaści ŭ Jeŭropie. «Pryniaćcie takoha dakumienta stała b važnym krokam u źnižeńni napružanaści, adnaŭleńni davieru i ŭmacavańni mižnarodnaj biaśpieki», — reziumavaŭ jon.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary